गयराती अज्ञात समूहले तुलसीपुरको बसपार्कमा रहेको टिकट काउण्टर नजिकै पार्किङ गरेको ना ४ ख ७१८८ नम्बरको बसमा गरेको बस धनी सुमन कार्कीले बताउनुभयो ।
उहाँका अनुसार आगजनीबाट बस पूर्णरुपमा जलेर नष्ट भएको छ । बसमा गयराति साढे ११ बजे आगजनी गरिएको ईलाका प्रहरी कार्यालय तुलसीपुरका प्रहरी निरीक्षक चक्र डम्बरपालले जानकारी दिनुभयो । त्यो बस दाङको भालुबाङ हुदै रुकुम चल्ने गरेको थियो । बसपार्क भित्रै पार्किङ गरी राखेको बसमा आगजनी भएपछि गाडीधनीहरु त्रसित बनेको त्रिशिद्देवरी राप्ती यातायात प्रालि तुलसीपुरका सचिव प्रकाश भट्टले बताउनुभयो ।
आगजनीमा संलग्न दोषीको तत्काल पहिचान गरि कारबाही गर्न त्रिशिद्देवरी राप्ती यातायात प्रालिले माग गरेको छ । घटनाले सवारी धनीहरुलाई असुरक्षाको महसुस गराएको उहाँले बताउनुभयो । ईलाका प्रहरी कार्यालय तुलसीपुरले घटनाको सम्बन्धमा अनुसन्धान अघि बढाएको प्रहरी निरिक्षक डम्बरपालले जानकारी दिनुभयो ।
तीन महिना अघिदेखि पार्किङमा गाडी राखिएको कुरा खुल्न आएको बताउदै ईलाका प्रहरी कार्यालय तुलसीपुरका प्रवक्ता तथा प्रहरी निरीक्षक चक्र डम्बर पालले कसले किन आगो लगाएको हो भन्ने कुराको अनुसन्धान सुरु गरिएको उहाँले बताउनुभयो ।
