दाङमा स्कुटी दुर्घटना हुदा एकजनाकाे ज्यान गएकाे छ । दाङकाे घोराही देखि लमही तर्फ आउदै गरेको रा ३ प ५४३० नम्बरको स्कुटी लमही नगरपालिका वडा नम्बर ६ बेल्दमार स्थित दुर्घटना हुदा घोराही उपमहानगरपालिका वडा नम्बर १८ नवलपुर निवासी ३६ बर्षिय अमितसिंह धामीकाे मृत्यु भएको वडा प्रहरी कार्यालय लमहीका प्रहरी निरिक्षक प्रज्वल थपलियाले जानकारी दिनुभयाे ।
उक्त दुर्घटना कति बेला भएको हो भन्ने बारे एकिन नभएको अस्थायी ट्राफिक प्रहरी पोस्ट लमहीका प्रमुख बाबुराम जिसीले बताउनुभयाे । गम्भीर अवस्थामा रहेका धामीलाई लमही अस्पतालमा उपचारका क्रममा ज्यान गएको प्रहरीले बताएको छ । मृतक धामी प्युठानका प्रदेश सभा सदस्य कृष्ण ध्वज खड्काका भान्जा रहेको बुझिएको छ । उनको शबलाई पोस्टमार्टमका लागि लमही अस्पतालमा रखिएको छ ।
