(बिदुर एमसी)
भालुवाङ चैत १० दाङको पूर्वी देउखुरी कालाकाटे नजिकै जुराउने भन्ने ठाउँमा साेमवार बिहान करिव ११: बजेतिर यात्रुबाहक बस दुर्घटना भएको छ ।
सहारा यातायात प्रालिको ना ६ ख ३९६७ नम्बर रहेको साे यात्रुबाहक बस काठमाडौंदेखि दाङका लागि छुटेको थियोे । बस सडक किनारामा दुर्घटना हुँदैगर्दा त्यससँगै नजिकै आइरहेको एउटा माेटरसाइकल झुक्किएर सो बसको पछिल्लो पाङ्ग्रामुनी च्यापिन पुगेको छ । जुन माेटरसाइकल चालक रोल्पाजिल्ला गङ्गादेवी गाउँपालिका वडा नम्बर ४ निवासी वर्ष २४ का रमेश वलीको घटनास्थलमै ज्यान गएको ट्राफिक प्रहरी कार्यालय भालुवाङ्गले जनाएको छ ।
माेटरसाइकलको पछाडि बसेर सवार नाम नखुलेका एकजना र बसमा सवार दुईजना गरि जम्मा ३ जना सामान्य घाइते भएका छन् । घाइतेहरुलाई उपचारका लागि लमहीतर्फ लगिएको छभने बसका अन्य सबै यात्रुहरु सकुशल रहेकोले उनीहरू अर्को बसबाट आआफ्नो गन्तव्यतिर लागेको जानकारी छ ।
बसका चालक चिरञ्जीवी पौडेल फरार रहेका छन् ।