डोटीको जोरायल गाउँपालिकामा वडा नम्बर ४ देउथलामा एक महिलालाई गोलि हानेर हत्या गरिएको छ । आइतबार बेलुकी करिब ५ बजेतिर नङनी टोलकी २० वर्षिया अनिता वनको भरुवा बन्दुकको गोली हानेर हत्या भएको प्रहरीले जनाएको छ ।
अनितालाई उनलाई २२ वर्षिया श्रीमान खडक वनले गोली हानी हत्या गरेको आशंका गरिएको छ । मृतक अनिता र उनका श्रीमान मात्रै घरमा भएको बेला घटना भएको र उनका श्रीमानले आफुले गोली नहानेको बताएका इलाका प्रहरी कार्यालय जोरायलका इञ्चार्ज सइ महेन्द्र थापाले बताए । मृतक अनिताको छातीको बिच भागमा गोली लागेको प्रहरीले जनाएको छ ।
घरको माथिल्लो तलामा रहेका दुइ कोठामध्ये भित्र पट्टीको कोठामा घटना भएको र सोही कोठाको कुनामा भरुवा बन्दुक ठड्याएर राखिएको अवस्थामा फेला परेको सइ थापाले बताए ।
अनिताका श्रीमान खडकले आफु घरको तल्लो तलामा रहेको बेला एक्कासी गोली पड्किएको आवाज आएको र त्यसपछि आफु माथिल्लो कोठामा जाँदा श्रीमती ढलेको देखेको बताएको प्रहरीले जानकारी दिएको छ । घटनाको समयमा खडककी आमा विपिनगर खडककी फुपुको घर गएको, बुबा गाउँकै माथिपट्टी रहेको पसलमा गएको र भाई बल खेल्न गएको बताईएको छ ।
घरमा दुई श्रीमान श्रीमती मात्र भएको समयमा घटना हुदाँ श्रीमानले हत्या गरेको हुन सक्ने आशंका गरिएको छ । निज बनको घरमा राखिएको भरुवा बन्दुक अबैध रहेको समेत प्रहरीले जनाएको छ ।
प्रहरीले खडक वनलाई नियन्त्रणमा राखी घटनास्थललाई सुरक्षा घेरामा राखेर घटनाको विस्तृत अनुसन्धान भईरहेको जिल्ला प्रहरी कार्यालय डोटीका प्रहरी प्रमूख प्रहरी उपरिक्षक दिलिप सिं देउवा बताए । उनले भने हामी घटनाको अनुसन्धान गरिरहेको छौ घटना कसरी भयो कसले गर्यो भन्ने विषयमा तत्कालन भन्न नसकिने बताए ।
डडेल्धुराको भागेश्वर गाउँपालिका वडा नं. ५ बगरकोट सिराडी माइती घर भएकी अनिता र खडकको गत फाल्गुन १३ गते भागी विवाह भएको र फाल्गुन २९ गते सामाजिक परम्परा अनुसार विवाह भएको पारिवारीक स्रोतले जनाएको छ ।

सम्बन्धित

मिडिया नेपालको केन्द्रीय अध्यक्षमा गोपाल पौड्याल सर्वसम्मत चयन

बिकास नगरटोल/गणेश आर्टको आयोजनामा बाल प्रतियोगिता कार्यक्रम

प्रहरी जवानको लिखित परीक्षा दिने २६ जना नक्कली परीक्षार्थी पक्राउ

बाँकेमा टिप्परको ठक्करबाट शिक्षकको मृत्यु न्यायका निम्ति विद्यार्थीहरुको नाराजुलुस

कर्णाली ६ नम्बर प्रदेशका मुख्यमन्त्री शाही अस्पताल भर्ना

राष्ट्रिय नागरिक बिकास समाजले सामजसेवी शोभा पाठक सम्मानित