प्रकशित मिति : २८ चैत्र २०७६, शुक्रबार ०९:०२

(सागर थापा) दाङमा शुक्रबारदेखि लकडाउनलाई कडा बनाइने जिल्ला प्रहरी कार्यालय दाङले जनाएको छ । विश्वव्यापी महामारीका रुपमा फैलिएको कोरोना भाइरसको संक्रमण फैलन नदिन सरकारले सुरु गरेको लकडाउनलाई शुक्रबारदेखि थप कडा बनाइने जिल्ला प्रहरी कार्यालय दाङका प्रहरी प्रमुख एसपी जनक भट्टराईले जानकारी दिनुभयो ।
दिनभर लकडाउनको पालना गरिने भए पनि बिहानको समयमा मर्निङवाकको बाहनामा बजारमा भिडभाड बढ्दै जान थालेपछि लकडाउनलाई कडा बनाइने प्रहरी प्रमुख एसपी भट्टराईले जानकारी दिनुभयो । ‘कोरोना भाइरसको संक्रमण फैलन नदिन सरकारले सुरु गरेको लकडाउनलाई शुक्रबारदेखि थप कडा बनाउने तयारी गरेका छौं । मर्निङवाकको बाहनामा बजारमा भिडभाड बढ्दै जान थालेकाले लकडाउनलाई कडा बनाउन बाध्य भएका छौं’, प्रहरी प्रमुख भट्टराईले भन्नुभयो, ‘बजारमा भेटिने जो कोहीलाई पनि कारबाही गर्ने तयारीमा छौं । अत्यावश्यक बाहेकका काममा घरबाहिर निस्कनेहरु कारबाहीमा पर्ने हुँदा घरबाहिर ननिस्कन अनुरोध गर्दछु ।’
कोरोना भाइरसको संक्रमण फैलन नदिन गत चैत ११ गतेदेखि सरकारले देशव्यापी लकडाउन सुरु गरेको थियो । जारी लकडाउन बैशाख ३ गतेसम्मका लागि तोकिएको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com