(एबिसी क्राईम ब्युरो) काठमाडौं नेपाल प्रहरीले ३५ जना बरिष्ठ प्रहरी उपरिक्षक (एसएसपी)हरुको सरुवा तथा पदस्थापन गरेको छ। बिहिबार साझ प्रहरी प्रधान कार्यालयले सुचना जारी गर्दै पुराना र नवनियूक्त एसएसपीहरुको सरुवा तथा पदस्थापन गरेको जानकारी दिएको हो।
मुख्यालयले १६ जना एसएपीहरुको सरुवा गरेको छ भने १९ जनाको पदस्थापन गरेको छ। एसएसपी दिपक थापालाई महानगरीय अपराध महाशाखामा सरुवा गरिएको छ। महाशाखामा कार्यरत सहकुल बहादुर थापा डिआईजीमा बढुवा भएपछि प्रहरी प्रधान कार्यालय नक्सालाई कार्यरत दिपक थापालाई महाशाखा पठाइएको हो।
यसैगरी महानगरिय प्रहरी परिसर टेकुमा श्यमलाल ज्ञवालीलाई सरुवा गरिएको छ। त्यहा कार्यरत उत्तमराज सुवेदीको पनि बढुवा भएपछि परिसर रिक्त थियो। यस्तै लागुऔषध नियन्त्रण व्यूरोमा दिलिप कुमार चौधरीलाई पठाइएको छ।
