(बिदुर एमसी) दाङ भालुवाङ्ग बैँशाख ३० मङ्गलवार बिहान इलाका प्रहरी कार्यालय भालुवाङ्गले २ सय १५ लिटर अवैध घरेलुु मदिरा नष्ट गरेको छ । केही दिन अघि पूर्वबाट पश्चिमतिर जादै गरेको एउटा मालबाहक ट्रकबाट सो मदिरा गाडी जाँच गर्ने क्रममा फेला परेको इप्रका भालुवाङ्गले जनाएको छ ।जारी लक डाउनका समयमा ड्युटीमा तैनाथ सुरक्षाकर्मिहरुद्वारा उक्त अवैध घरेलुु मदिरा भालुवाङ्गकाे पूर्वपश्चिम राजमार्ग राप्ती पूलनेर सो मदिरा फेला परेको प्रहरीले जनाएको छ । ३ जना महिला र १ जना पुरुष गरि ४ जना मानिसहरुले मालवाहक ट्रकमा लुकाएर यसरी साे मदिरा पश्चिमतर्फ लैजादै थिए । साना ठूला गरि १५ वटा जर्किनमा साे मदिरा लगिदैथियो ।दाङ्ग जिल्लाको देउखुरीस्थित राप्ती गाउँपालिका वडा न १ का वडाध्यक्ष ताराबहादुर डिसीकाे उपस्थितिमा साे मदिरा नष्ट कार्यक्रममा स्थानीय पत्रकार, समाजसेवी, बुध्दिजीवि र व्यापारीहरुकाे उपस्थिति रहेको थियोे ।
