सागर थापा/बिदुर एमसी देशमा जारी लकडाउन अन्य भागमा भन्दा प्युठानमा निकै कडाइसाथ लागू गरिएको छ दाङ्ग जिल्लाकाे देउखुरी भालुवाङ्गबाट प्रवेश गर्ने सिमाना ददेरी र बाङ्गेसालकाे दर्भानमा रहेको प्रहरी चौकीले नै दुई देशका वीचमा लगाइने जस्तै ब्यारेल तेर्साएर जिल्ला प्रवेशमा रोक लगाइएको छ । यद्यपि अत्यन्तै कम सङ्ख्यामा मात्रै दैनिक अत्यावश्यक खाद्यान्न बोकेका गाडी फाट्टफुट्ट एम्बुलेन्स पत्रकारका गाडी बाहेकका अन्य सवारीसाधनहरुलाई जिल्ला प्रवेशमा पूर्णरूपमा बन्देज लगाइएको देखिन्छ । त्यतिमात्र नभएर ढुङगेगढीकाे बड्डाडा,प्युठान र राेल्पा जाने बाटो छुट्टाउने ठाउँ क्वाडी, जुम्री, गाेठिवाङ्ग र भिङ्ग्री लगायतका ठाउँमा ब्यारेल तेर्साएर बाटोमा हुने अावागमनमा अवराेध गरिनुले पनि देशका अन्यत्र भागमा भन्दा प्युठानमा लक डाउनलाई निकै कडाइसाथ लागू गरिएको छ, भनेर भन्नेमा कुनै दुईमत नहाेला ।
