सरकारले विदेशबाट आएकाहरुलाई निःशुल्क सीमकार्ड वितरण गर्ने

प्रकशित मिति : १९ जेष्ठ २०७७, सोमबार १७:१०

एबिसी संचार काठमाडौँ सरकारले हवाईमार्गबाट उद्धार गरेका नेपालीलाई निःशुल्क सीमकार्ड उपलब्ध गराउने भएको छ। हवाईमार्ग हुँदै विदेशबाट आएका मानिसको ‘कन्ट्याक ट्रेसिङ’सहज बनाउन सरकारले नै निःशुल्क सीमकार्ड उपलब्ध गराउने निर्णय गरेको हो। मन्त्रिपरिषद् बैठकको निर्णयका आधारमा जिल्ला प्रशासन कार्यालय काठमाडौँ, ललितपुर र भक्तपुरको संयुक्त रुपमा बसेको कोभिड–१९ क्राइसिस म्यानेजमेन्ट सेन्टर (सीसीएमसी)को बैठकले यस्तो निर्णय गरेको हो। बैठकले निःशुल्क सीमकार्ड व्यवस्था गर्न दूरसञ्चार कम्पनी नेपाल टेलिकमसँग समन्वय थालेको छ। साथै बैठक१४ दिनसम्म क्वारेन्टाइनमा राख्दा दैनिक प्रतिव्यक्ति १ सय ७५ रुपैयाँका दरले भुक्तानी गर्ने भएको छ। तर, यो रकम क्वारेन्टाइनमा बस्ने व्यक्तिलाई नभएर क्वारेन्टाइन राखिएको पालिकालाई दिइनेछ रासस ।