लाखौं रुपैयाँसहित १ महिला र २२ पुरुष गरी २३ जना जुवाडे पक्राउ

प्रकशित मिति : १२ श्रावण २०७७, सोमबार २०:१५

एबिसी संचार
फिदिम पाँचथर प्रहरीले बाजी थापेर कौडा (जुवा) खेलिरहेको अवस्थामा २२ पुरुष र १ महिला गरी २३ जनालाई पक्राउ गरेको छ ।
जिल्ला प्रहरी कार्यालय पाँचथरको टोलीले जिल्लाको फिदिम नगरपालिका वडा नम्बर १ स्थित द्वारिका थाम्सुहाङको घरमा कोडा खेलिरहेको अवस्थामा २३ जनालाई पक्राउ गरेको हो ।
पक्राउ पर्नेमा घरधनी थाम्सुहाङसहित अन्य २२ जना छन् । प्रहरीले पक्राउ परेकाहरुको साथबाट २ लाख ४७ हजार ९ सय ४५ रुपैयाँ नगद र १७ थान कौडा बरामद गरिएको जनाएको ५ ।
पक्राउ परेकाहरुबिरुद्ध कानूनी कारबाही शुरु गरिएको जिल्ला प्रहरी कार्यालय पाँचथरले जानकारी दिएको छ । रासस

प्रकशित मिति : १२ श्रावण २०७७, सोमबार २०:१५