तेज वली
दाङ ईलाका प्रहरी कार्यालय तुलसीपुरका प्रहरी प्रमुख डिएसपी शिबबहादुर सिंहले नागरिक प्रहरी साझेदारीका माध्यमबाट समाजमा शान्ति सुरक्षा कायम गर्न सहज हुने बताए । रोटरी क्लब अफ तुलसीपुर सिटिको शुक्रबार सम्पन्न नियमित बैठकमा गेष्ठ स्पिकरको रुपमा उपस्थित भएका डिएसपी सिंहले नागरिक स्तरबाट प्रहरीलाई तत्काल सुचना प्राप्त भएपछि मात्रै तत्काल घटनाहरु नियन्त्रण गर्न मदत पुग्ने धारणा ब्यक्त गरे ।
उनले समाजलाई सुरक्षित बनाउने अभियान अन्तर्गत तुलसीपुर उपमहानगरपालिकाका सबै वडाहरुमा टोल सुरक्षा समिति गठन भैसकेको जानकारी दिए । अब देखि टोल सुरक्षा समितिले स्थानिय स्तरमा हुने घरेलु हिंसा,चोरी डकैति नियन्त्रण देखि बिभिन्न चेतना मुलक कार्यक्रमहरु समेत प्रहरीसगंको समन्वय र सहकार्यमा गाउ गाउमा अभियानकैरुपमा संचालन हुने उनले बताए ।
उनले अर्को सन्दर्भमा विकसित मुलुकहरुको सिको गर्दै देश विकास गर्न युबाहरुलाई उत्पादनमा लगाउने बाताबरणको सिर्जना गर्नुपर्ने बताए । उनले भने”युवाहरुले जब आफ्नै देशमा परिश्रम गर्छन अनि मात्रै सबैखालका परिबर्तनहरु सम्भब हुन्छन । ” उनले रोटरीले समाजमा गरेको योगदानको समेत प्रशसा गरे । रोटरी क्लब अफ तुलसीपुर सिटिका सुरेश हमालको अध्यक्षतामा भएको कार्यक्रममा डिएसपी सिंहको जिवनी र उनको ब्यक्तित्वका बारेमा पूर्वअध्यक्ष तुफानबाबु श्रेष्ठले प्रकाश पारे ।
कार्यक्रममा पूर्व एजि एवम पूर्वध्यक्ष कुशल तर्ताल,नोमिनि प्रेसिडेन्ट यज्ञ बहादुर केसी,पूर्वध्यक्षहरु बिजय केसी,बिमल रिजाल,बिरबहादुर रावत,ललित बहादुर घर्ति,धर्मेन्द्र बैश्य,राजेन्द्र प्रसाद श्रेष्ठ ,पब्लिक डाईरेक्टर राजिब वली लगाएतकाले आआफ्नो धारणा राखेका थिए ।
कार्यक्रमको सहजिकरण क्लबका सचिब देबेन्द्र केसीले गरेका थिए ।
