बिदुर एमसी
दाङको भालुवाङ् र अर्घखाँची जिल्लाको शितगंगा नगरपालिका वडा नम्बर ८ स्थित टिप्परले ठक्कर दिदा एक महिलाको ज्यान गएको छ भने अर्का एक जना पुरुष गम्भीर घाइते भएका छन ।
ज्यान जानेमा गढवा गाउँपालिका वडा नम्बर १ जुराउनीका २४ वर्षीया जमुना कुमाल रहेकी छन भने ५७ वर्षीय बुद्धिराम कुमाल गम्भीर घाइते भएका छन्। मृतक महिला र घाइते पुरुष बाबू छोरी रहेको बुझिएको छ ।आइतवार दिउँसो एकबजे पश्चिमबाट पूर्वबाट तर्फ जादै गरेको रात १ त २०२१ नम्बरको टिप्परले बाबुछोरी सवार रहेको साइकललाई ठक्कर दिएको थियो ।
दुर्घटनामा गम्भीर घाइते जमुनाको उपचारका लागि लमहीतर्फ ल्याउदै गर्दा बाटोमै मृत्यु भएको ईलाका प्रहरी कार्यालय भालुवाङका प्रहरी प्रमुख प्रहरी निरीक्षक भुवन भट्टले जानकारी दिनुभएको छ । घाइते कुमाललाई बुटवल रिफर गरिएको छ भने शवलाई स्वास्थ्य चौकी लालमटियामा राखिएको छ ।
