सल्यानमा शनिवार जीप दुर्घटना हुँदा ३ जनाको मृत्यु

(तेज वली) दाङ                                         तुल्सीपुरबाट रोल्पाको सुख्खा ओढार जाँदै गरेको लु १ ज २९११ नम्बरको जीप सल्यानको छत्रेश्वरी गाउँपालिका–४ दिवांगघारीमा दुर्घटना हुँदा तीन जनाको ज्यान गएको हो ।
दुर्घटनामा परि ज्यान गुमाउनेमा गाडी चालक रोल्पा गंगादेव गाउँपालिका–७ निवासी ३५ वर्षीय भीमबहादुर वली,सोही ठाउँका १७ वर्षीय भीमराज बुढा र गंगादेव गाउँपालिका –५ निवासी ६५ वर्षीय गंजबहादुर बुढा रहेको जिल्ला प्रहरी कार्यालय सल्यानका प्रहरी प्रवक्ता प्रहरी निरीक्षक लक्ष्मण वलीले जानकारी दिनुभयो । उहाँका अनुसार गाडीमा सवार अन्य पाँच जना भने सकुशल छन् ।
बेलुका अन्दाजी पौने ६ वजे जीप दुर्घटना भएको हो । घटनास्थलमा प्रहरी पुगिसकेको र घटनाबारे थप अनुसन्धान भइरहेको सल्यान प्रहरी प्रबक्ता प्रहरी निरीक्षक वलीले बताए ।