कपिलवस्तु प्रहरीले एक सातामा बुझायो १६ लाख बराबरको समान भन्सार चलान ।

प्रकशित मिति : ८ जेष्ठ २०७५, मंगलवार १३:०७

कपिलवस्तु (राघवेन्द्र चौबे )
जिल्ला प्रहरी कार्यालय कपिलवस्तुले सिमा क्षेत्रमा हुने तस्करीलाई रोक्न कडाई गरेको छ । कपिलवस्तु जिल्लामा सरुवा भई आएका प्रहरी उपरिक्षक मनोज कुमार यादवले भंसार छलीमा कडाई गर्ने सहितका अपराध नियन्त्रणका लागी गरेका बिभिन्न प्रतिबद्धता गरेको हुन। कपिलवस्तु प्रहरीले एक साताको अबधीमा भंसार छलीका १६ लाख १९ हजार ९ सय ४० रुपैया बराबरका सामाग्री भंसार चलान गरेको हो । भंसार चलान गरिएका सामाग्रीमा शुद्धोधन गाँउपालिका ५ दोहनीमा भारत तर्फ १ सय २० बोरा स्याउ लैजादै गरेको लु २ च १५८४ नम्बरको पिकअप समेत रहेको छ । केहि दिन अघि बरामद टायल्स बोकेको टयाक्टर, खाधान्न,मेसिनरी उपकरण, लत्ताकपडा र घरायसी प्रयोजनका सामाग्री भंसार चलान गरिएको छ । प्रहरीले मर्यादपुर सहितका नाकाबाट बरामद सामाग्री लिलामी प्रक्रियाका लागी कृष्णनगर भंसार कार्यालयमा बुझाएको छ ।
आफुले सिमा क्षेत्रमा हुने भंसार छली र तस्करीको घटना रोक्न गरेको प्रतिबद्धता अनुरुप सिमा क्षेत्रमा कडाई गरिएको प्रहरी उपरिक्षक मनोज कुमार यादवले बताए । उनले आम नागरिकले सिमा क्षेत्रबाट बिभिन्न सामाग्री खरिद गरि ल्याउदा समेत नियमानुसारको भंसार बुझाउन आग्रह गरे ।भंसार छली र तस्करीलाई प्रोत्साहन हुने कुनै पनि गतिबिधी हुन दिने छैनौ नागरिकस्तरबाट समेत तस्करीलाई प्रोत्साहन हुने गतिबिधीलाई सहयोग नगर्न अनुरोध गरेको हुन I