प्रकशित मिति : १३ मंसिर २०७७, शनिबार २२:३८

(ABC Sanchar)
रुकुम दूर्घटनाका घाइते आठबिसकोट नगरपालिका वडा नं ८ का ५८ वर्षीय लालबहादुर सार्कीको मृत्यु भएको छ ।
उनलाई उपचारका लागि नेपालगञ्ज तर्फ लैजाने क्रममा जाजरकोटमा मृत्यु भएको जिल्ला प्रहरी प्रबक्ता लक्ष्मण वलीले जानकारी दिए ।
त्यसअघि घटनास्थलमै थप ४ जनाको मृत्यु भएको थियो ।
दुर्घटनामा परि घटनास्थलमै आठबिसकोट–८ का गोरे नेपाली, सार्के नेपाली, आइते चदारा र कलिभान नेपालीको मृत्यु भएको थियो ।
शुक्रबार बेलुका साढे ८ बजेतिर भएको आठबिसकोट नगरपालिका वडा नं। ७ मा आठबिसकोट वडा नं १० को घारीखोलाबाट जन्ति गएर घर फर्किरहेका मानिसहरु सवार रा १ ज ५८९ नम्बर जिप साईड लगाउने क्रममा खसेको थियो ।
जीप झन्डै १ सय मिटर तल खोल्सामा खसेको प्रहरीले जानकारी दिएको छ । फरार जीप चालक डिल्लीबहादुर नेपाली शुक्रबार बिहान सम्पर्कमा आएको प्रहरीले जनाएको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com