(महेन्द्र सिंह) बाँके नेपालगन्ज वडा नंं १८ मा ट्याक्टर दुर्घटना हुँदा छायाँनाथ रारा नगरपालिका वडा नम्बर १०, मुगुका ट्याक्टर चालक अन्दाजी २३ बर्षिय दिल बहादुर सेजवालको मृत्यु भएको जिल्ला प्रहरी कार्यालय बाँकेका प्रहरी प्रमुख एसपी ओम बहादुर रानाले जानकारी दिनुभएको छ । गम्भीर घाइते चालक सेजवाललाई अस्पताल लैजाने क्रममा बाटोमा मृत्यु भएको हो । कोहलपुरदेखि नेपालगन्ज आई नेपालगन्जदेखि पुनः कोहलपुरतर्फ फर्कने क्रममा ट्याक्टर दुर्घटना भएको बाँके प्रहरीले जनाएको छ । लु४त ७३७२ नम्वरको ट्याक्टर नेपालगन्ज १८ कारकाँदोस्थित सिद्धार्थ भ्यु होटल नजिकबाट मोड्ने क्रममा अनियन्त्रित भई पल्टिएको प्रहरीले जानकारी दिएको छ ।
