प्रकशित मिति : ७ पुष २०७७, मंगलवार ११:३१

(ABC Sanchar)
काठमाडौं। प्रधानमन्त्री केपी शर्मा ओलीले मन्त्रिमण्डल पुर्नगठनको तयारी गरेका छन् । सात मन्त्रीले राजिनामा दिएपछि उनले यसको तयारी गरेका हुन् ।

अब जो सुकै व्यक्ति पनि मन्त्री बन्न सक्ने अवस्था छ । यस्तो अवस्थामा पार्टीको समिकरणलाई बलियो बनाउने गरी मन्त्रिमण्डल उनले पुनर्गठन गर्न लागेको स्रोत बताउँछ ।

संसद बिघटनको कदमप्रति असहमति जनाउँदै सात मन्त्रीले आइतबार राजिनामा दिइसकेका छन् । रक्षा मन्त्रालय यसअघिदेखि नै रिक्त छ । गृहमन्त्री रामबहादुर थापा ‘बादल’ले पनि राजिनामा दिने सम्भावना छ ।

यो अवस्थामा प्रचण्ड तथा माधव नेपाल निकट बलियो पकड भएको समूहलाई सरकारमा राख्ने रणनीति बालुवाटारको छ ।

स्रोतका अनुसार गृहमन्त्री पाए ओलीको कदममा साथ दिने नेता वामदेव गौतमको तयारी छ । त्यसकारण उनी दुवै गुटमा सहभागी भएका छैनन् । हाल शिक्षा, पर्यटन, उर्जा, कृषि, श्रम, खानेपानी र वन मन्त्रालय रिक्त भएका छन् ।

मंगलबार दुवै पक्षले केन्द्रीय समितिको बैठक बोलाएका छन् । जसमा एकले अर्कालाई कारबाही गर्ने सम्भावना छ ।

पार्टी वारपार भएपछि ओलीले नयाँ मन्त्रीहरु नियुक्ति गर्ने तयारी गरेका छन् । सोहीकारण केही नेताहरु दुवै गुटको बीचमा बसेका छन् ।
दृष्‍टि साप्ताहिकबाट


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

प्रधान/सम्पादक नुकेन्द्र प्रताप सिंह
सम्पर्क 9848262615/9847845918
email- [email protected]

Copyright © 2015-2022 AbcSanchar.com