(ABC Sanchar)
जाजरकोट । कर्णालीको प्रदेशको जाजरकोटमा अज्ञात समूहले एउटा सरकारी गाडीमा आगजनी गरेको छ ।
कर्णाली प्रदेशसभाको अर्थ तथा प्राकृतिक स्रोत समितिका सभापति चढ्ने गाडीमा बिहीबार राति अज्ञात समूहले आगजनी गरेको हो ।
जाजरकोट जिल्लाको प्रदेशसभा निर्वातन क्षेत्र (क) बाट निर्वाचित प्रदेशसभा सदस्य एवं सभापति गणेशप्रसाद सिंह चढ्दै आएको कर्णाली प्रदेश ०२००१ झ ००४० नम्बरको गाडीमा आगजनी भएको हो ।
जाजरकोटको भेरी नगरपालिका–७ पुन्मा राखिएको गाडीमा बिहीबार राति अन्दाजी १० बजेको समयमा अज्ञात समूहले पेट्रोल छर्केर आगो लगाएको जिल्ला प्रहरी कार्यालय जाजरकोटले जानकारी दिएको छ ।
आगजनीबाट गाडी पूर्णरूपमा जलेर क्षतिग्रस्त बनेको जिल्ला प्रहरी कार्यालय जाजरकोटले जनाएको छ । प्रदेशका योजना अनुगमन गर्न गएका सिंहको गाडी अज्ञात समूहले जलाएको हो ।रासस
