अनिवार्य अवकास भएर जानेलाई बिदाई गर्दै बाँके एसपी: राना

प्रकशित मिति : २५ पुष २०७७, शनिबार १५:०३

(सागर थापा /महेन्द्र सिंह) बाँके।नेपाल प्रहरी संगठनमा प्रवेश गरि देशका विभिन्न जिल्लाहरुमा अनवरत रुपमा देश र जनताप्रति निष्ठापुर्वक समर्पित भई संगठनले दिईएको जिम्मेवारीलाई त्रुटिरहित ढंगले ईमान्दारिताका साथ सफल कार्यकाल पुरा गरि सेवा अवधिको आधारमा अनिवार्य अवकास भई जान लाग्नु भएका प्र.ना.नि. तथा प्र.स.नि.हरुलाई जि.प्र.का.बाकेको तर्फबाट बिदाई तथा शुभ-कामना कार्यक्रम सम्पन्न भएको छ ।
सो कार्यक्रममा अवकास भई जान लाग्नु भएका प्र.ना.नि.तथा प्र.स.नि.हरुले आफु संगठनमा रहदा सदैव संगठनको हित हुने काम गरेको र अवकास पछि दिनमा पनि संगठनलाई हित हुने काम गर्छु भन्दै प्रहरी सेवाबाट अवकास भएता पनि संगठनको सदस्य सदैव रहि रहने भएकोले अवको नागरिक जिवनमा समेत प्रहरी संगठनलाई सहयोग हुने काममा निरन्तर लाग्ने अभिव्यक्ति व्यक्त गर्दै विभागले आवश्यक ठानेको बखतमा अवकास पछिको दिनमा पनि देश र जनताको निमित्त सदैव तत्पर रहने छु भन्दै आफ्नो मनतव्य व्यक्त गर्नु भयो ।
उक्त कार्यक्रममा यस कार्यालय प्रमुख प्र.उ.ओम बहादुर रानाज्यूले आज अवकास भई जान लाग्नु भएका प्र.ना.नि तथा प्र.स.नि.हरुले नेपाल प्रहरी संगठनमा रहि ईमान्दारीताका साथ संगठनलाई दिएको अमुल्य योगदान प्रति उच्च सम्मान व्यक्त गर्दै जि.प्र.का.बाँकेको तर्फबाट मायाको चिनो प्रदान गर्दै अवकास पछिको व्यक्तिगत तथा पारिवारिक जिवन सुखमय रहोस भनि शुभ-कामना व्यक्त गर्नु भयो ।