प्रकशित मिति : १७ जेष्ठ २०७५, बिहीबार १५:००

सागर रिजाल
प्युठान,१७ जेठ ।
लालिगुराँस रंगशाला झिमरुक गाउँपालिका–८ दिहाल्नामा स्थानीय तह स्तरीय टि–ट्वान्टी क्रिकेट प्रतियोगिता सम्पन्न भएको छ । खेलकुद, संस्कृति तथा पर्यटन सम्बृद्धिको आधार, गन्तव्य दिहाल्ना हाम्रो सरोकार, राष्ट्रको लागि खेलकुद स्वास्थ्यका लागि खेलकुद भन्ने मुल नाराका साथ दिहाल्ना खेलकुद तथा पर्यटन महोत्सव सम्पन्न भएको हो । स्थानीय तह टि–ट्वान्टी कप क्रिकेट प्रतियोगितामा प्रथम आयोजक झिमरुक गाउँपालिका–८, द्धितिय मल्लरानी गाउँपालिका, तृतीय सरुमारानी गाउँपालिका र चौथो झिमरुक गाउपालिका भएका छन् । विजेता टिमले क्रमशः ७५ हजार, ५० हजार, २५ हजार र १५ हजार रुपैयाँ नगद पुरस्कार प्राप्त गरेका छन् ।
त्यस्तै महोत्सवमा भलिवल प्रतियोगिता पनि सम्पन्न भएको छ । प्रतियोगितामा प्रथम स्वर्गद्धारी नगरपालिका, द्धितिय गौमुखी गाउँपालिका, तृतीय नौबहिनी गाउँपालिका र चौथो सरुमारानी गाउँपालिका रहेका छन् । बिजेता टिमलाई क्रमशः ५० हजार, ३५ हजार, २० हजार र १० हजार पुरस्कार प्रदान गरिएको छ । बिजेता टिमलाई नगद पुरस्कारका संगैै ट्रफी, मेडल तथा प्रमाण पत्र प्रदान गरिएको हो ।
खेलकुद तथा पर्यटन महोत्सव अवधिभर कलाकरहरुले आफ्नो प्रस्तुती देखाएका थिए । कलाकार लोक दोहारी गायिका उमा गिरी, गायक दिपु मगर, चित्र अविरल, हास्यकलाकार भटभटे माइला, डान्सर सविता राना, विशाल वैरागी, धु्रव विरही रन्जन, राजबावु नेपाली लगायत रहनु भएको थियो ।
महोत्सवमा खुल्ला लोक नृत्य, हनुमान नाच तथा स्थानीय संस्कृति झल्कने प्रस्तुतीह? समेत प्रस्तुत गरिएको दिहाल्ना खेलकुल तथा पर्यटन महोत्सव २०७५ का अध्यक्ष तुलस बहादुर बस्नेतले जानकारी दिनुभयो । समापन समरोहमा प्रमुख अतिथि तिकल बहादुर जि.सी., विशिष्ट अतिथि गौमुखी गाउँपालिका अध्यक्ष विष्णु कुमार गिरी, झिमरुका गाउँपालिका उपाध्यक्ष पवित्रा जिा.सी., जिल्ला खेलकुद विकास समितिका कोषाध्यक्ष निपेन्द्र रोकाय लगायतका अतिथिहरुको उपस्थिति रहेको थियो ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

9847845918

Copyright © 2015-2020 AbcSanchar.com