यसकारण दिए बिद्यार्थिले उम्मेद्धवारी

प्रकशित मिति : १८ जेष्ठ २०७५, शुक्रबार २०:५५

दाङ १८ जेठ/ एविसी संचार – शुक्रबार दिउँसो दाङको अल्फा बोर्डिङ स्कुलमा बेग्लै चलहपहल थियो । सधै जसो कक्षाकोठामा भेटिने २०० भन्दा बढी विद्यार्थीहरु लामबद्ध थिए । शिक्षकहरु विद्यार्थीको लाइन मिलाउँदै अनुशासन सिकाउँदै थिए ।
कक्षा १० को पाठ्क्रममा भएको निर्वाचन सम्बन्धी ज्ञानलाई प्रयोगात्मक तरिकाले बुझाउनका लागि विद्यालयले निर्वाचन कार्यक्रम आयोजना गरेको थियो विद्यालयले यसो गर्नुको कारण थियो विद्यालयमा विद्यार्थीहरु बीच निर्वाचन गराउनु ।
निर्वाचन व्यवस्थापनको जिम्मेवारी विध्यालयले गरेको थियो भने निर्वाचनमा कक्षा ६ देखि १० कक्षासम्मका २९५ जना विद्यार्थीहरु सहभागी थिए ।
विद्यार्थीबीचमा गरिएको निर्वाचनमार्फत विद्यालय क्याप्टेन र सहायक क्याप्टेन चयन गरिएको शिक्षक तथा निर्वाचन आयुक्त कुल बहादुर बुढाथोकिले बताऊनु भयो । क्याप्टेन र सहायक क्याप्टेन पदका लागि ९ जनाले उम्मेदवारी दिएका थिए ।
बुढाथोकि ले भने “निवार्चन भनेको के हो ? कसरी गर्ने ? किन आवश्यक छ ? जस्ता प्रश्नका उत्तर खोज्नका लागि पनि आजको कार्यक्रम सहयोगी बन्यो ।” जसरी राज्यका हरेक तहमा निर्वाचन हुन्छ सोही शैली विद्यालयमा पनि अपनाइएको उनको भनाइ थियो ।
विद्यालयमा अध्ययनरत कक्षा १० का छात्र अायुस न्यौपाने ले पहिलो पटक भोट हाल्न पाउँदा आफूलाई खुसी लागेको बताए । उनले भने, “निर्वाचन के हो ? कसरी हुन्छ ? किन आवश्यक छ ? कुराहरु जान्न पाएँ ।”
सबै विद्यार्थीलाई समेटी निवार्चन गराउँदा धेरै कुरा सिक्न पाएको न्यौपानेको सहपाठी समीप अधिकारिले बताए । यसरी प्रयत्क्ष रुपमा चुनाव गरी पाठ्यक्रममा भएका कुराहरु प्रयोगात्मक गर्दा धेरै कुराहरु सिक्न पाएको जानकारी दिए ।
विद्यार्थीहरुले चुनावका लागि घोषणा पत्र समेत तयार गरेका थिए । भने उम्मेदवारका लागि चुनाव चिन्ह पनि तोकिएको थियो ।उम्मेदवारीका लागि कक्षा ८-१० का बिध्यार्थिले मात्र उम्मेदवारी दिन पाउने नियम थियो ।त्यसै गरि विध्यालयको क्याप्टेनमा सुन्दर थापा र सहायक क्याप्टेनमा श्रिसा योगि विजयि भएका थिए।

प्रकशित मिति : १८ जेष्ठ २०७५, शुक्रबार २०:५५