(ABC Sanchar) काठमाडौं । कलंकीस्थित खड्कागाउँमा विद्युत सर्ट भएर आगलागी हुँदा एक जनाको जलेर ज्यान गएको छ ।
जाडो छल्न विद्युतीय हिटर बालेर सुतेका ८६ वर्षका शिवराम खड्काको जलेर ज्यान गएको प्रहरीले जनाएको छ ।
आफ्नै घरको दोस्रो तलाको कोठामा हिटर बालेर सुतिरहेकै बेला विद्युत सर्ट भएर आगलागी भएको थियो । खड्काको छाती, पेट र ढाड पुरै जलेको जनाइएको छ ।
घरमा रहेका अरु मानिसले जलेको गन्ध आएपछि मात्रै आगलागी भएको थाहा पाएका थिए । थाहा पाउँदा खड्काको ज्यान गइसकेको पाइएपछि उनीहरुले प्रहरीमा खबर गरेका थिए ।
