१५ चैत्र २०८०, बिहिबार
28-03-2024 , Thu
×

बर्दिया सशस्त्र प्रहरीले लाखौं मूल्यको अवैध सामाग्री पक्राउ

Logo
प्रकाशित बिहिबार, फाल्गुण १३, २०७७

(महेन्द्र सिंह)
बर्दिया।सशस्त्र प्रहरी बर्दियाले एक लाख बढीको अवैध सामग्री बरामद गरेको छ ।
सशस्त्र प्रहरी बल नेपाल नम्बर ३१ गण हेडक्वाटर बर्दिया र मातहतका इकाईहरुबाट खटिएको सीमा गस्ती र पिकेट टोलीले भारतबाट चोरी पैठारी गरी आज नेपालतर्फ भित्र्याउँदै गरेको भाँडावर्तन, सुर्तीजन्य पदार्थ, मोटर पार्ट्स र किराना सामान बरामद गरेको हो ।

बरामद गरिएका सामग्री आवश्यक कारवाहीका लागि छोटी भन्सार कार्यालय गुलरिया पठाइएको सशस्त्र प्रहरीले जनाएको छ।बर्दिया जिल्लाका सीमा नाकाहरुमा विओपीहरु बिस्तार भएसँगै सशस्त्र प्रहरीको सक्रियता र उपस्थिति बढ्दै गएको छ। यसबाट सीमा सुरक्षा व्यवस्थापनमा सुधार हुँदै जानुका साथै तस्करीजन्य गतिविधि नियन्त्रण हुँदै गएको बर्दिया सशस्त्र प्रहरीले जानकारी दिएको छ ।

कमेन्ट गर्नुहोस्
सम्बन्धित

(एबिसि संचार ) होली खेलेर सुनकोशीमा नुहाउने क्रममा तीन दिनअघि बेपत्ता भएका त्रियुगा नगरपालिका–१४ साउनेकी रेखा मगरको शव बुधबार बिहान फेला परेको छ । जिल्ला प्रहरी कार्यालय उदयपुरका अनुसार आज बिहान साउनेको धाप्लाङदेखि ६ किलोमिटर तल सूर्यढुङ्गा भन्ने स्थानमा १२ वर्षीया रेखा मगरको शव फेला परेको प्रहरीले जनाएको छ ।

(एबिसि संचार ) कैलालीको धनगढीबाट लागूऔषधसहित एक जना पक्राउ परेका छन्। जिल्लाको गोदावरी नगरपालिका–१० का २२ वर्षीय तेजबहादुर बोहरा लागुऔषधसहित पक्राउ परेका हुन्। धनगढी उपमहानगरपालिका–३ बाट उनी ५० मिलिग्राम ब्राउनसुगर र ९६ क्याप्सुल प्रिगाबा र १० क्याप्सुल एभिनसहित पक्राउ परेका छन्। 

(एबिसि संचार ) कञ्चनपुरमा डिभिजन वन कार्यालयभित्रै चितुवाले एक जनालाई आक्रमण गरेको छ। डिभिजन वन कार्यालय महेन्द्रनगरमा सशस्त्र वन रक्षकतर्फ जमदार पदमा कार्यरत अर्जुनसिंह थापालाई चितुवाले आक्रमण गरेको हो। डिभिजिन वन कार्यालयका प्रमुख भीम कडेलले चितुवालाई बेहोस बनाएर खोरमा हाल्ने क्रममा थापामाथि आक्रमण गरेको बताए। बेहोस भइसकेको ठानेर खोरमा लैजान खोज्दा चितुवा थापामाथि झम्टिएको थियो।