ट्रक प्रतिबन्धित खेसरीको दालसहित तीन जना पक्राउ

(महेन्द्र सिंह नेपालगन्ज)
बाँके प्रहरीले एक ट्रक (२१ टन) प्रतिबन्धित अकडा (खेसरी) को दाल बरामद गरेको छ । ५ नम्बर प्रदेश अनुसन्धान ब्यूरोको टोलीले शुक्रबार बिहान करिब ४ बजे कोहलपुर–१२ चप्परगौडीबाट खेसरीको दाल बरामद गरेको हो । ट्रकमा लोड गरेर बर्दियाको भुरीगाउँबाट जनकपुर लैजाँदै गरिएको अवस्थामा खेसरीको दाल बरामद गरिएको ब्यूरोका प्रहरी नायब निरीक्षक विष्णु गिरीले जानकारी दिए ।
प्रहरीले प्रतिबन्धित दाल ओसारपसारमा संलग्न बर्दिया ठाकुरबाबा न.पा–१ का २९ बर्षीय अब्दुल रहमान, ठाकुरबाबा–१ भुरीगाउँका २६ बर्षीय टेक बहादुर थारु र राप्ती सोनारी गाउँपालिका–६ का २८ बर्षीय देव बहादुर वलीलाई नियन्त्रणमा लिएर ईलाका प्रहरी कार्यालय कोहलपुरको जिम्मा लगाएको छ