ABC Sanchar
काठमाडौं । शंकास्पद चुरोट र चक्लेट बोकेको आरोपमा त्रिभुवन अन्तर्राष्ट्रिय विमानस्थलबाट १ जना यात्रु पक्राउ परेका छन् । पक्राउ पर्नेमा कतार जाँदै गरेका नेपाली नागरिक छन् ।

फागुन १८ गते (मंगलबार) हिमालय एयरको उडानमार्फत काठमाडौंबाट कतारको दोहा उड्न लागेका महोत्तरीका जाकिर शेखलाई प्रहरीले पक्राउ गरेको हो । महोत्तरीको रामगोपालपुर नगरपालिकाको वडा नम्बर १ स्थायी घर भएका शेखलाई विमान चढ्नु अगाडि प्रहरीले पक्राउ गरेको हो ।

विमानस्थलको अन्तर्राष्ट्रिय उडानतर्फको प्रस्थान होल्ड ब्यागेज (एक्स-रे)मा चेकजाँच गर्ने क्रममा शेखको ब्यागेजमा शंकास्पद आकृति देखिएको थियो ।

उक्त लगेज खोली हेर्दा ‘बंगाली दोस्ती मिक्स असर्ट क्यान्डी’ लेखिएको रातो रंगको प्याकेटभित्र शंकास्पद चक्ले र चुरोट फेला परेको प्रहरीको अन्तर्राष्ट्रिय विमानस्थल सुरक्षा कार्यालयले जानकारी दिएको छ ।

रातो रंगको प्याकेट भित्र चारमिनार गोल्ड मुनक्का लेखिएको संकास्पद चकलेट ३७ थान र शिखर आईस रस लेखिएको संकास्पद तरिकाले भरिएको ७ थान चुरोट फेला परेको प्रहरीको भनाइ छ ।

सो सम्बन्धमा थप अनुसन्धानका लागि पक्राउ परेका शेख र उनको साथबाट बरामद भएको चक्लेट र चुरोटलाई महानगरीय प्रहरी बृत्त गौशाला पठाइएको विमानस्थल सुरक्षा कार्यालयले जानकारी दिएको छ ।

सम्बन्धित

राष्ट्रिय सभाको निर्वाचन लगत्तै प्रहरीमा व्यापक हेरफेर गर्ने गृहमन्त्रालयको तयारी

यमनीको जेलमा हवाई आक्रमण १०० औ भन्दा धेरैको मृत्यु भएको अनुमान

मकवानपुर प्रहरीले ओभरलोड बोक्ने ९७ वटा टिपरलाई कारबाही सुरु

काठमाडौँमा ३ जना व्यक्तिहरु मृत फेला प्रहरीद्वारा अनुसन्धान जारी

नेपाल प्रहरीको अस्पतालमा २७ स्टाफ नर्स १० जना सहयोगीको लागि भर्ना खुल्यो

बैंकिङ कसुर मुद्दाका फरार प्रतिवादीहरु धमाधम सीआईबीको नियन्त्रणमा पर्दै