(सागर थापा)
दाङ । जिल्ला प्रहरी कार्यालय दाङले कलेज पढ्ने विद्यार्थी लक्षित गरी चेकजाँच अभियान सुरू गरेको छ । दुर्घटना न्यूनिकरणका लागि विद्यार्थीहरूलाई लक्षित एम्वुसिङ अभियान सञ्चालन गरिएको हो ।
दुर्घटनाको दर वृद्धि हुन नदिन र चालक अनुमतिपत्र विना सवारी साधन चलाउने विभिन्न कलेजमा अध्ययनरत विद्यार्थीहरूलाई चेकजाँच गर्न लागिएको जिल्ला प्रहरी कार्यालय दाङका प्रहरी प्रवक्ता डिएसपी मुकुन्द रिजालले जानकारी दिनुभएको छ ।
चेक जाँचको क्रममा सवारी चालक अनुमतिपत्र विना सवारी साधन चलाउने १ दर्जन सवारी साधनलाई नियन्त्रणमा लिइएको प्रहरी प्रबक्ता डिएसपी रिजालले बताउनुभयो । जिल्ला प्रहरी कार्यालय दाङले कलेज लक्षित अभियान १ महिना सम्म सञ्चालन गरिने र सुधार नआए थप हुने प्रबक्ता डिएसपी रिजालले बताए ।
