(महेन्द्र सिंह)
बर्दिया । गुलरिया सशस्त्र प्रहरीले लाखौँ मुल्य बराबरको अवैध सामाग्रीहरु पक्राउ गरेको छ।
सस्शत्र प्रहरी बल नम्बर ३१ गण बर्दिया अन्तर्गतका बिओपी एबम गस्ती टोलीले जिल्लाका बिभिन्न स्थानबाट भारतबाट ल्याउदै गरिएका अवैध सामाग्री बरामद गरेको सस्शत्र प्रहरी एसपी नर बहादुर रावतले जानकारी दिएका छन्।
सशस्त्र प्रहरी एसपी रावतका अनुसार गएराती बर्दियाका सिमा नाकाबाट डिजल, पशुचौपाय, सालको काठ, सुर्तिजन्य पदार्थ र मसला जस्ता सामाग्री बरामद गरेको हो। बरामद गरिएका बस्तु तथा सामाग्रीको मूल्य १ लाख १५ हजार ४ सय ७० रुपैयाँ रहेको रावतले जानकारी दिएका छन्।
बरामद गरिएका अवैध सामाग्रीलाई छोटी भन्सार कार्यालय बुझाउने तयारी भएको सशस्त्र प्रहरी बर्दियाले जानकरी दिएको छ।
