सागर रिजाल,प्युठान,४ असार ।
प्युठानमा लागु औषध नष्ट गरिएको छ । गत जेठ २३ गते दिउँसोको समयमा प्रहरी चौकी ढुङ्गेगढी प्युठनबाट खटिएको गस्ती टोलीले सरुमारानी गाउँपालिका वडा नंम्बर २ पौडेल पेट्रोलपम्प नजिकै संस्कासपद अवस्थामा लागुऔषध फेला पारेको थियो । स्वर्गद्धारी दर्शनका लागि कास्की जिल्ला लेखनाथ महानगरपालिका वडा नंम्बर १७ बस्ने ३१ वर्षिय अमित ताम्राकारलाई चेक गर्दा भेटिएको जिल्ला प्रहरी कार्यालय प्युठानले जानकारी दिएको छ । ताम्राकारलाई थप अनुसन्धानका लागि जिल्ला प्रहरी कार्यालयमा राखिएको छ ।
ताम्रकारको साथबाट नोपिन नामक लागुपदार्थ ८ थान, डाईजेपेम सिरज्याक नामक लागुपदार्थ ८ थान र फेनेगर नामक लागुपदार्थ ७ थान गरि २३ थान लागुपदार्थका २ एमएल भरी सिसा फेला पारेको थियो ।
फेलापरेको २३ थान लागुपदार्थ मध्ये ९ थानलाई नमुना परिक्षणका लागि पठाईएको र बाकी १४ थान लागुपदर्थका सिसालाई जिल्ला अदालतको प्रारङ्गणमा खाडलमा फुटाई गाडेको जिल्ला प्रहरी कार्यालय प्युठानले जानकारी दिएको छ । जिल्ला अदालतका प्रतिनीधि, जिल्ला प्रशासनको प्रतिनीधि, मल्लरानी गाउँपालिकाको प्रतिनीधि र पत्रकारको रोहवरमा लागुपदार्थका सिसालाई नष्ट गरिएको हो ।
