(ABC-Sanchar)
दाङ । जिल्लाका सुरक्षा प्रमुखहरु चर्को घाममा दाङको सडकमा देखिए । कोरोना भाइरस सङ्क्रमण बढिरहँदा सर्वसाधारणलाई त्यसबारे सचेतनाका जगाउन उनीहरु सडकमा आएका थिए । 
दाङ जिल्लाका सहायक सिडियो चिरञ्जीवी राना , जिल्ला प्रहरी दाङका प्रमुख एसपी गणेश चन्द, राष्ट्रिय अनुसन्धानका एसपी अर्जुन भण्डारी सहितका सुरक्षा प्रमुखहरु घोराही नारायणपुर तुल्सीपुर सचेतना कार्यक्रममा सहभागी भएर मास्क बाँडेका थिए ।
उनीहरुले पसलहरुमा पुगेर व्यवसायीहरूलाई सचेत तुल्याए । सतर्कता अपनाएर मात्रै व्यवसाय सञ्चालन गर्न आग्रह गरे । मास्क नलगाएका पैदल यात्रीहरूलाई मास्क प्रदान गरे ।
कोरोनाबाट सजग रहन सुझाए । सवारी यातायातका चालक र यात्रुलाई पनि स्वास्थ्य सतर्कता बारे अवगत गराए ।
कोरोना भाइरस बारे चेतनामूलक अडियो जिङ्गलसहित सचेतना कार्यक्रममा सहभागी भएका सुरक्षाकर्मीले नागरिकको स्वास्थ्यप्रति सचेत रहने कार्यक्रमलाई निरन्तरता दिन संघलाई आग्रह गर्दै आफ्नो पनि सक्रिय सहभागिता रहने प्रतिवद्धता जाहेर गरे ।
कोरोना सङ्क्रमणको दोस्रो लहरले उच्च रूप लिइरहँदा सचेतनाका लागि चेतनामुलक कार्यक्रमहरू हुँदै आएको छ ।
