०२ बैशाख २०८१, आइतबार
14-04-2024 , Sun
×

३ जना बालककाे शव पार्किङ गरिराखेकाे इन्डियन कारभित्र

Logo
प्रकाशित आइतबार, बैशाख १९, २०७८

दाङ । तुलसीपुर स्याउली बजारमा रोकिराखेको एउटा इन्डियन कारभित्र फेला परेका तीन वटै शव बालकहरूको रहेको प्रहरीले जनाएको छ।

शनिबार साँझपख तुलसीपुरको स्याउली बजारमा पार्किङ गरिराखेको एउटा कारभित्र ३ जनाको शव फेला परेको थियो।

तुलसीपुर नजिकै बरुवागाउँका ती बालकहरू वैशाख १६ गतेदेखि हराइरहेका थिए। प्रहरीका अनुसार बालकका आफन्तले शुक्रबारमात्रै प्रहरीमा उजुरी दिएका थिए।

तुलसीपुर उपमहानगरपालिका ६ मा पर्ने स्याउली बजारमा त्यो कार केही महिनादेखि नै रोकिराखेको थियो।
इन्डियन नम्बर प्लेट जे-०१ सीसी ०८८५ को उक्त्त गाडीमा भेटिएका ती शवहरूका बारेमा अनुसन्धान थालिएको तुलसीपुरका डिएसपी शिवबहादुर सिंहले बताए।
‘हामी घटनस्थल पुगेका छौं त्यसबारे अनुसन्धान भइरहेको छ’ उनले भने।

एउटा बस सोही कार नजिकै पार्किङ गर्ने बेला बसका कर्मचारीहरुले कारभित्र शव देखेका थिए।

प्रहरीले नेपालगन्जबाट फोरेन्सिक ल्यावका प्राविधिकहरू बोलाएको छ। डिएसपी सिंहका अनुसार उनीहरू आइपुगेपछि मात्रै घटनाबारे थप अनुसन्धान हुनेछ।

घटनास्थलमा रहेका स्थानीयका अनुसार ती बालक ७ देखि ९ वर्षसम्मका छन्। दुईजना बालक निर्वस्त्र छन् भने एकजना बालको शरीरमा टबेल ओढाइएको छ।
घटनास्थलबाट १०० मिटरकै दूरीमा लुम्बिनी प्रदेश प्रहरीकाे मुख्यालय छ।

कमेन्ट गर्नुहोस्
सम्बन्धित

(एबिसि संचार )                                                                सर्लाहीको मलंगवा नगरपालिका-८ गोरखकालीस्थित कवाडीको सामानहरू राखिएको स्थानबाट ५३ राउण्ड गोली बरामद भएको छ । बिहीबार बिहान प्रहरीले उक्त गोली बरामद […]

(एबिसि संचार )                                                              नेपाल आयल निगमले पेट्रोलको मूल्य बढाएको छ । निगमले सोमबार बिहानदेखि लागु हुने गरी पेट्रोलको मूल्य प्रतिलिटर चार रुपैयाँले बढाएको हो ।इण्डियन आयल […]

रौतहटको इशनाथ नगरपालिकामा अनिश्चितकालीन कर्फ्यु आदेश जारी भएको छ। मूर्ति बिसर्जनको विषयलाई लिए दुई पक्षबीचको विवाद समाधान नभएपछि रौतहटका प्रमुख जिल्ला अधिकारी हिरालाल रेग्मीले आज साँझ ५ बजेदेखि लागु हुनेगरी कर्फ्यु जारी गरेका हुन्। इशनाथ नगरपालिकाको ६ र ७ मा सरस्वतीको मूर्ति बिसर्जनको विषयलाई लिएर २ गतेदेखि विवाद उत्पन्न भएको थियो।विवाद समाधानका लागि प्रमुख जिल्ला […]