०२ बैशाख २०८१, आइतबार
14-04-2024 , Sun
×

सत्ताको आडमा मोबिन आलमले प्रहरी कार्यालय भित्र कुटे प्रहरीलाई

Logo
प्रकाशित आइतबार, बैशाख १९, २०७८

(रवि वर्णवाल)
बारा । प्रहरीलाई प्रहरी कार्यालयभित्रै हातपात गरे पनि कारबाही नगरिएका युवा संघका केन्द्रीय सचिव मोबिन आलम । श्रीमान परवेज आलम र श्रीमती नाजरा खातुनको जाहीरीको बारेमा थाहा पाउनको लागि जिल्ला प्रहरी कार्यालयको अगाडी धर्ना दिएका लिपनीका स्थानीयहरु ।

युवा संघ नेपालका केन्द्रीय सचिव मोबिन आलमले जिल्ला प्रहरी कार्यालय बारा कलैयाभित्र प्रहरी जवानहरुमाथि बिहीबार दिउँसो हातपात गरेका छन्।

डियुटीमा रहेको प्रहरीहरुमाथि हातपात गरे पछि बारा प्रहरीले आलमलाई सात घण्टा नियन्त्रणमा लिएर छाडेको छ।

मोबिनको काकाका छोरा नातामा पर्ने परवेज आलमले श्रीमती नाजरा खातुनविरुद्ध र नाजरा खातुनले श्रीमान परवेज र ससुरा कुटपिट गरेको भनी जिल्ला प्रहरी कार्यालयको महिला तथा बालबालिका सेवा केन्द्रमा दुबै पक्षले उजुरी दिएको थियो।

भाई र भाउजु बीचको झगडा मिलाउनको लागि मोबिन आलमले युवा संघका केही स्थानीय नेताहरुलाई लिएर जिल्ला प्रहरी कार्यालय बारामा पुगेका थिए।

लिपनीका सयौ संख्यामा महिला स्थानीयहरुले श्रीमान परवेज आलम र श्रीमती नाजरा खातुनको जाहीरीको बारेमा थाहा पाउनको लागि जिल्ला प्रहरी कार्यालयको अगाडी धर्ना समेत दिएका थिए।

परिवारको सदस्यविरुद्धमा परेको जाहिरीको विषयमा छलफल गर्न जिल्ला प्रहरी कार्यालय कलैयामा आलम प्रवेश गर्न खोज्दा गेटमा रहेका प्रहरी जवानहरुले गेटको ढोका खोल्न ढिलाई गरेका थिए।

गेटको ढोका खोलिए पछि आलम र गेटमा डियुटी गरि रहेका प्रहरी जवानहरुसँग बिवाद शुरु भएको थियो। बिवाद बढदै गए पछि आलमले प्रहरीहरु माथि नै हातपात गर्न शुरु गरेका बाराका प्रहरी नायब उपरीक्षक गौतम मिश्रले बताएका छन्।

आलमले हातपात गरे पछि प्रहरीहरुले उनलाई नियन्त्रणमा लिएको र डियुटीमा खटेका प्रहरी जवानसँगको छलफल पछि आलमलाई छोडिएको गौतमले बताए।

प्रहरीमाथि हातपात गर्ने आलम संविधान सभा सदस्य नेजमा खातुन तथा एमालेका नेता महबुब आलमका छोरा हुन्।

प्रधानमन्त्री केपी शर्मा ओलीसँग नजिक रहेका आलमलाई बारा प्रहरीले प्रहरी कुटिए पनि कुनै मुद्दा नै नचलाई छोडिएको घटनाले प्रहरीहरुको निष्पक्षतामाथि नै प्रश्न उठेको छ। नागरिक दैनिकबाट

कमेन्ट गर्नुहोस्
सम्बन्धित

(एबिसि संचार )                                                                सर्लाहीको मलंगवा नगरपालिका-८ गोरखकालीस्थित कवाडीको सामानहरू राखिएको स्थानबाट ५३ राउण्ड गोली बरामद भएको छ । बिहीबार बिहान प्रहरीले उक्त गोली बरामद […]

(एबिसि संचार )                                                              नेपाल आयल निगमले पेट्रोलको मूल्य बढाएको छ । निगमले सोमबार बिहानदेखि लागु हुने गरी पेट्रोलको मूल्य प्रतिलिटर चार रुपैयाँले बढाएको हो ।इण्डियन आयल […]

रौतहटको इशनाथ नगरपालिकामा अनिश्चितकालीन कर्फ्यु आदेश जारी भएको छ। मूर्ति बिसर्जनको विषयलाई लिए दुई पक्षबीचको विवाद समाधान नभएपछि रौतहटका प्रमुख जिल्ला अधिकारी हिरालाल रेग्मीले आज साँझ ५ बजेदेखि लागु हुनेगरी कर्फ्यु जारी गरेका हुन्। इशनाथ नगरपालिकाको ६ र ७ मा सरस्वतीको मूर्ति बिसर्जनको विषयलाई लिएर २ गतेदेखि विवाद उत्पन्न भएको थियो।विवाद समाधानका लागि प्रमुख जिल्ला […]