०२ बैशाख २०८१, आइतबार
14-04-2024 , Sun
×

क्वालिटी प्रोडक्टको डाइजेस्टिभ बिस्कुट भित्र भेटियो प्लास्टिक स्वास्थ्य माथि खेलवाड

Logo
प्रकाशित मंगलबार, बैशाख २१, २०७८

(शरद रिजाल)
काठमाडौँ । बालाजुस्थित चिया पसलमा क्वालिटी प्रोडक्टको डाइजेस्टिभ बिस्कुटमा अखाद्य वस्तु भेटिएको छ । बालाजुमा रहेको शेर्पा चिया पसलमा केही व्यक्तिहरुले चियासँग बिस्कुट खाइरहेको अवस्थामा प्लास्टिकजन्य अखाद्य वस्तु भेटिएको हो ।

उक्त चिया पसलका मालिक कर्साङ्ग शेर्पाका अनुसार केही ग्राहकले क्वालिटी प्रोडक्टद्वारा उत्पादित डाइजेस्टिभ नाम गरेको बिस्कुट फोेडेर खाँदा प्लास्टिक जस्तो देखिने वस्तु भेटिएको हो । उक्त चिया पसलका सञ्चालक शेर्पाले यो घटना दोश्रो पटक दोहोरिएको बताए । यसअघि यसै पसलमा बिस्कुटमा यस्तै प्लाष्टिकजन्य बस्तु भेटिएको जानकारी दिए ।

यस विषयमा क्वालिटी प्रोडक्टका बजार वितरण प्रमुख शिव थापासँग कुरा गर्दा उक्त बिस्कुट आफ्नै उत्पादन रहेको तर मानवीय त्रुटीका कारण यस्तो घटना भएको हुनसक्ने भन्दै निकै हचुवा अभिव्यक्ति दिए । नेपाल सरकारको उपोभोक्ता हित संरक्षण नियम अनुसार कुनै पनि वस्तु उत्पादन गर्दा प्रयोग भएको कच्चा पदार्थ, भण्डार विधि, उपयोग गर्ने तरिका अत्यन्तै गुणस्तरीय हुनुपर्ने उल्लेख छ भने उक्त नियमको पालनामा क्वालिटी प्रोडक्ट नेपालले गम्भीर लापरबाही गरेको छ ।
उपभोक्ताको स्वास्थ्यसँग खेलवाड गर्ने यस्तो कार्यप्रति क्वालिटी प्रोडक्ट गम्भीर नभएको देखिन्छ ।

मानवीय स्वास्थ्यमा प्रतिकूल असर पार्ने उपभोक्ताको स्वास्थ्य जस्तो गम्भीर बिषयमा यो हदसम्मको लापरबाही गर्नुले कम्पनीको गैरजिम्मेवारपन उजागर हुन्छ । यस बिषयमा हामीले काभ्रा ग्रुपका सम्बन्धित प्रतिनिधि, बजार ब्यबस्थापक प्रमुख शिव थापाले उद्योगको प्याकिङ कक्षमा रहेका केही कर्मचारीको कमजोरीले यस्तो घटना घटेको बताए । कम्पनीको उत्पादन कक्षमा रहेका कर्मचारीहरुलाई सचेत गराई केही कर्मचारीहरुलाई निलम्बन समेत गरिएको थापाले बताए ।

‘हामीले यो कमजोरी देखी सकेपछि कम्पनीमा जानकारी गराइसकेका छौ, कम्पनीले यस विषयलाई गम्भीरताका साथ लिएको छ.र उत्पादन कक्षमा रहेका कर्मचारीलाई निलम्बन समेत गरिसकेका छौ ।’ उनले भने ।

मानवीय स्वास्थ्यमा प्रत्यक्ष प्रतिकूल असर पार्ने खाद्यान्न, बिस्कुटमा बालाजुस्थित चिया पसलमा नै पटकपटक अखाद्य वस्तु भेटिनुले पनि क्वालिटी बिस्कुटमा गम्भीर लापर्वाही रहेको प्रमाणित हुन्छ ।

बिस्कुटमा रहेको अखाद्य वस्तुको बारेमा प्रतिक्रिया माग्दा व्यवस्थापन पक्षले पटकपटक यसबारेमा समाचार वाहिर नल्याइदिन अनुनय विनय गरे र समाचार वाहिर नल्याइदिएमा ‘सहयोग गर्ने’ बताइ रहे । आमजनताको स्वास्थ्यमा प्रत्यक्ष नकारात्मक असर पार्ने अखाद्य वस्तु मिसिएर पटकपटक आउने, लापर्वाही हुने कुरालाई हामीले सम्झौता गर्नु अपराध ठानेर सार्वजनिक गरेका छौं ।

उपभोक्ता संरक्षण ऐन २०७५को परिच्छेद ३ का दफा ७ को उपदफा ‘च’ बस्तु वा सेवाको उत्पादनका कारण उपभोक्तालाई कुनै किसिमको क्षति भएमा सोको मनासिब क्षतिपूर्ति दिने प्रावधान छ । यस सम्बन्धमा गुणस्तर तथा नापतौल बिभागमा सम्पर्क गर्दा विभागका कर्मचारीले यो उपभोक्ताको स्वास्थ्यप्रतिको चरम लापरबाही र गम्भीर अपराध नै हो यस सम्बन्धमा आफूहरुले आवश्यक कामकारवाही अगाडि बढाउने बताएका छन् ।

कमेन्ट गर्नुहोस्
सम्बन्धित

      (धर्मेन्द्र कुमार कुर्मी ) कपिलवस्तुकाे विजयनगर गाउँपालिकामा जग्गा दाताहरुलाई शिला लेखसहित सम्मान गरिएको छ । गाउँपालिकाकाे ७ नम्बर वडा कार्यालय गणेशपुरले जग्गा दाताहरुलाई शिला लेखसहित सम्मान-पत्रले सम्मान गरेकाे छ । गाउँपालिका अध्यक्ष गाेपाल बहादुर थापाले बिहिबार एक कार्यक्रमबीच जग्गा दाताहरुलाई सम्मान-पत्रले सम्मान गरेका हुन् । यसैबीच वडाकाे डिजिटल बाेर्ड र नवनिर्मित वडा […]

(एबिसि संचार )                                                                सिन्धुलीको कमलामाई नगरपालिका–४ स्थित एनसेल टावरमा बम विष्फोट भएको छ । गएराति १ बजेतिर टावरमा प्रेशर कुकर बम विष्फोट भएको जिल्ला […]

(एबिसि संचार ) पोखरा महानागरपलिकाकी सबइन्जिनियरसहित दुई जना जनासेवाग्रहीसँग घुस लिँदालिँदै रंगेहात पक्राउ परेका छन् । पोखरा महानगरपालिकाको नक्सा शाखामा कार्यरत सबइन्जिनियर उषा किरण रोकाया र गोदार कन्सल्टेन्सीमा कार्यरत सुरज कुँवरलाई सेवाग्रहीसँग घुस लिएको आरोपमा अख्तियार दुरुपयोग अनुसन्धान आयोगको गण्डकी प्रदेश कार्यालय पोखराबाट खटिएको टोलीले घुस रकमसहित पक्राउ गरेको हो । उनीहरुको साथबाट डेढ लाख […]