रोपाईको मौका छोपेर देउखुरी क्षेत्रमा चोरी

प्रबिण भुसाल,लमहि
लमही र देउखुरी क्षेत्रका गाउँहरुमा चोरहरुको बिगबिगी छ । दैनिक जसो यस आसपासका गाउमा चोरीका घट्ना शृङ्खलाबद्ध रुपमा बढ्न थालेपछी स्थानीयहरु समेत त्रसित बनेका छन । देउखुरीबासी रोपाईमा ब्यस्त भईरहदा घरमा कोहि नभएको मौका पारेर गाउमा चोरीका घटना बढेका हुन ।लमही नगरपालिका वडा नम्बर १ भित्र चोरहरुको बिगबिगी बढेको हो ।आज राती मात्रै सुन्डबरी गाउँमा दुइजना स्थानीयहरुको घरको ढोका फोडि धनमाल चोरी गरि लगेको स्थानीयले बताएका हुन !
बिगत केही महिना देखि सुन्डबरी आसपास क्षेत्रमा चोरहरुको बिगबिगी बढे पनि सम्बद्ध निकायको ध्यानाकर्षण हुन सकेको छैन ! पिडितहरुले नर्ती प्रहरी इकाइमा घटनाको जाहेरी गरे पनि प्रहरीले कुनै चासो नदियको पिडितहरु गुनासो गर्दछन । पछिल्लो समय आधा दर्जन बढी चोरीका घटना भएको स्थानियबासिको भनाई छ ।
सुन्डबरी सामुदायिक बनको छेउमा रहेको बालोदय आधारभुत बिद्यालयको परिसरअहिले बिभिन्न क्षेत्रबाट आयका युबाहरुको गाजा लगायत अबैध लागूपदार्थ सेबन गर्ने अखडा बनेको छ !
त्यस्तै लागू औषध सेवन गर्ने कतिपय युबाहरु नै चोरी कार्यमा संलग्न हुनसक्ने कतिपय स्थानीयले आशकाँ गरेका छ्न !
सो सम्बन्धमा त्यस क्षेत्र दुर्ब्यसनीको अखडा बन्दै गएको स्विकार्दै त्यस्ता दुर्ब्यसनीहरुलाइ नियन्त्रणमा लिन नसकेको इलाका प्रहरी कार्यालय नर्तिले बतायको छ ।
गाउमा चोरहरुको बिगबिगी बढेपछी सोक्षेत्रमा प्रहरिले आफ्नो सक्रियता बढाउनुपर्ने, अवस्था देखियको छ ।प्रहरी रात्री समयमा गस्ती नबसि हेलचक्राइ गरेकाे स्थानीय बासिन्दा प्रेमलाल चाैधरीले बताए । प्रहरीले चोरीका घटना नियन्त्रण गर्न खासै सक्रीयता नदेखाएको उनले गुनासो गरे ।