काठमाडाैं । विश्व महामारीको रूपमा फैलिएको कोरोना भाईरसमा मानिसहरू रोगले भन्दा भोकले नमरून् भन्ने उद्देश्यका साथ जय महांकाल युवा समुहद्धारा संचालन गरिएको सामुहिक भोजन कार्यक्रममा खबर24नेपाल डटकमले सहयोग गरेको छ । अभियानमा कोही भोको बस्न नपरोस् भन्ने हेतुले खबर24नेपाल डटकमबाट चाउचाउ पानी सहयोग गरिएको हो ।
भोकालाई भोजन प्यासीलाई पानी भन्ने अभियानका साथ २०७६ चैत २२ गतेदेखि संचालन गरिएको अभियाानमा ट्वान्टीफोर नेपाल मिडीया प्रा लिको तर्फबाट मिडीयाका सम्पादक सन्तोष अर्याल, बजार व्यपस्थापक प्रमुख सुरेन्द्र थापा र यादव प्रसाद अर्यालले सहयोग गर्नु भएको हो । सडक पेटीमा रहेका असहाय, अपाङ्ग, बालबालिकाहरुलाई खाना खुवाउदैं आएको महांकाल युवा समुहलाई धन्यवाद दिदैं कम्पनीका बजार व्यवस्थापक थापाले आउदो दिनमा पनि सहयोग गर्ने प्रतिबद्धता व्यक्त गर्नु भयो ।
यदि तपाइहरु पनि ती सडक पेटीहरूमा रहेका असहाय, अपाङ्ग, बालबालिका, जो भोको प्यासा व्यक्तिहरुलाई भोजन सेवन गराएर सेवा गर्न चाहनुहुन्छ भने निम्न सम्पर्क नं: ९८४१६८३७३७, ९८१८०८८८९१ मा सम्पर्क गर्न सकिनेछ । यस्तै तपाइले रकम सहयाेग गर्न चाहेका निम्न बैक खातामा रकम जम्मा गर्न सक्नुहुनेछ ।
