(ABC-Sanchar) भक्तपुर । काठमाडौं उपत्यकामा निषेधाज्ञा कडा भएपछि यहाँका स्थानीयले बिहानै आफुलाई चाहिने अत्यावश्यक सामाग्रीहरु किन्ने गरेका छ्न । अत्यावश्यक खाद्य सामग्रीका पसल, व्यवसाय, डिपार्टमेन्ट स्टोर बिहान ९ बजेसम्म मात्र खुल्ने भएपछि स्थानीयवासीहरुले सोही अनुसार दैनिक जिविकोपार्जन गर्न चाहिने वस्तुहरु बिहानै किन्ने गरेका छन ।
यस अघि बुधबारसम्म बिहान बे्लुका नै पसल खुला हुन्थ्यो भने उपत्यकाका तीनै जिल्लाका प्रमुख जिल्ला अधिकारीको बैठकले अब थपिएको निषेधाज्ञालाई कडा बनाउने निर्णय गरेपछि बेलुका पसल बन्द हुने भएको हो ।
नयाँ भेरियन्टको कोभिड–१९ सङ्क्रमण फैलिएको र त्यसको प्रभाव उपत्यकामा बढ्दो रहेकाले अझै सुरक्षा निगरानी बढाउनुपर्ने आवश्यकता महसुस गरेपछि प्रशासनले केही कडाइ गरिएको जनाएको छ।
प्रशासनले कडा गरेपछी भक्तपुरका स्थानीयहरुले आफुलाई चाहिने अत्यावश्यक सामाग्रीहरुको जोह बिहानै गरेका थिए ।
