०४ बैशाख २०८१, मंगलबार
16-04-2024 , Tue
×

दाङदेखि हेलिकप्टरबाट पोखरा अस्पताल सम्मको भाडा ५ लाख ९४ हजार

Logo
प्रकाशित शुक्रबार, बैशाख २४, २०७८

(ABC-Sanchar)
दाङ । कोरोनाको दोस्रो कहर संगै बिरामीहरु महँगो भाडा तिरेर हेलिकप्टरबाट अस्पताल पुर्‍याइँदै, लमहीदेखि पोखराको भाडा ५ लाख ९४ हजार रुपैयाँ
देउखुरी २४ बैशाख । लमही निवासी एक महिलाको एक्कासि अक्सिजन लेबल घट्यो। श्वासप्रश्वासमा समस्या आयो। उपचारका लागि लमही अस्पताल लगियो। एन्टिजेन परीक्षण गर्दा कोरोना पोजेटिभ देखियो। जिल्लामा कोरोना उपचारका लागि आईसियू बेड कतै पाइएन। त्यसपछि परिवारका सदस्यले हेलिकप्टर चार्टर गरेर अन्यत्र लैजान खोजे।

काठमाडौंका अस्पतालमा बेडको कुरा भयो। तर, त्यहाँ खाली भेटिएन। पोखरामा बेड भेटियो । ५ लाख ९४ हजार रुपैयाँ हेलिकप्टर भाडा तिरेर पोखरा लैजाने निधो भयो। हेलिकप्टरको भाडा जुटाउन सक्नेका लागि त सजिलै होला। तर, गरिब विपन्न परिवारका सदस्यले हेलिकप्टर चार्टरको विषय सोच्नसमेत सक्ने अवस्था छैन। ‘धन्न हेलिकप्टर भेटियो। यही हेलिकप्टरका लागि धेरै फोन घुमाउनुप¥यो’, बिरामीका एक आफन्तले भने, ‘पहिला पैसा डिपोजिट गरेर मात्रै हेलिकप्टर पाइयो।’

कोभिड संक्रमणपश्चात् बिरामीको अवस्था बिग्रँदै गएपछि थप उपचारका लागि अन्यत्र लैजान महँगोमा हेलिकप्टर चार्टर गरेर अस्पताल लैजानुपर्ने बाध्यता छ। ‘सेनाको हेलिकप्टरले संक्रमित नबोक्ने भनेपछि निजी एयरलाइन्स खोज्नुपर्ने बाध्यता भयो’, उनले भने, ‘सक्नेले त हेलिकप्टर चार्टर गर्ला । नसक्ने त उपचार नपाएर मर्ने दिन आयो।’ पछिल्ला दिनमा हेलिकप्टर चार्टर गरेर बिरामीलाई काठमाडौं, पोखराका अस्पतालमा लग्ने दर बढेको छ।

कोरोना विशेष अस्पताल बेलझुण्डी, राप्ती स्वास्थ्य विज्ञान प्रतिष्ठानको आइसोलेसनमा उपचार गराइरहेका संक्रमितलाई भेन्टिलेटर आवश्यक परेको खण्डमा हेलिकप्टर खोज्ने गरिएको हो। सामान्य अवस्थामा हेलिकप्टर चार्टरको भाडा सामान्य रहन्छ। तर, यस्तो विपद्को बेला महँगो भाडा लिने गरिएको छ।

कमेन्ट गर्नुहोस्
सम्बन्धित

      (धर्मेन्द्र कुमार कुर्मी ) कपिलवस्तुकाे विजयनगर गाउँपालिकामा जग्गा दाताहरुलाई शिला लेखसहित सम्मान गरिएको छ । गाउँपालिकाकाे ७ नम्बर वडा कार्यालय गणेशपुरले जग्गा दाताहरुलाई शिला लेखसहित सम्मान-पत्रले सम्मान गरेकाे छ । गाउँपालिका अध्यक्ष गाेपाल बहादुर थापाले बिहिबार एक कार्यक्रमबीच जग्गा दाताहरुलाई सम्मान-पत्रले सम्मान गरेका हुन् । यसैबीच वडाकाे डिजिटल बाेर्ड र नवनिर्मित वडा […]

(एबिसि संचार )                                                                सिन्धुलीको कमलामाई नगरपालिका–४ स्थित एनसेल टावरमा बम विष्फोट भएको छ । गएराति १ बजेतिर टावरमा प्रेशर कुकर बम विष्फोट भएको जिल्ला […]

(एबिसि संचार ) पोखरा महानागरपलिकाकी सबइन्जिनियरसहित दुई जना जनासेवाग्रहीसँग घुस लिँदालिँदै रंगेहात पक्राउ परेका छन् । पोखरा महानगरपालिकाको नक्सा शाखामा कार्यरत सबइन्जिनियर उषा किरण रोकाया र गोदार कन्सल्टेन्सीमा कार्यरत सुरज कुँवरलाई सेवाग्रहीसँग घुस लिएको आरोपमा अख्तियार दुरुपयोग अनुसन्धान आयोगको गण्डकी प्रदेश कार्यालय पोखराबाट खटिएको टोलीले घुस रकमसहित पक्राउ गरेको हो । उनीहरुको साथबाट डेढ लाख […]