(ABC-Sanchar)
बर्दिया । भारतीय सीमा नजिकै रहेको आफनै खेतबारीमा काम गरि रहेको अवस्थामा भारतको जंगलबाट आएको चितुवाको आक्रमणमा परि २ जना सर्वसाधरण किसान घाईते भएका छन् । वैशाख २६ गते बिहान ७ः ३ बजेको समयमा खेतवारीमा काम गर्दा बर्दियाको गुलरिया न.पा.१० कालाबन्जार बस्ने बर्ष ५० को ईद्रिसी बेहेनालाई चितुवाले एक्कासी आक्रमण गरेको थियो । आक्रमणमा परि बेहेनाको मुख,हात र शरिरको बिभिन्न भागमा चोट लागको छ ।
चितुवाले आक्रमण गरि रहेको अवस्थामा सोही ठाउँका बर्ष ३० सफिक बेहेनाले चितुवाको आक्रमणबाट ५० को ईद्रिसी बेहेनालाई छुट्टाउन खोज्दा निजको पनि हात,ढाडमा चोट लागको छ ।
दुबै जना घाईतेलाई उपचारको लागी बर्दिया अस्पताल गुलरिया तर्फ पठाईएको बर्दिया प्रहरी प्रमुख एसपी इश्वर कार्कीले बताउनु भयो ।
मानिसलाई आक्रमण गरेको केही बेरमा चितुवा मृत अवस्थामा फेला परेको छ । डिभीजन वन कार्यालय संग समन्वय गरि घटनास्थलमा प्रहरी नायब निरीक्षक खडक डाँगीको कमाण्डमा ४ जनाको टोली खटि गएको एसपी कार्कीले बताए ।
