(सर्मिला बोगटी)
धनगढी । निधेषाज्ञाको समयमा विनापासमा चलेका ४ वटा यात्रुबहाक बसलाई कैलालीको चिसापानीबाट नियन्त्रणमा लिएको छ। जिल्ला प्रहरी कार्यालय कैलालीमा डिएसपी भरत चौधरीका अनुसार धनगढीबाट काठमाडौं जाने र काठमाडौंबाट आउने ४ वटा बसलाई नियन्त्रणमा लिएको हो।
चिसापानीमा आवतजावतका लागि बनाएको सवारी पास चेकजाँच गर्ने क्रममा ४ वटा गाडीले पास नबनाएर चलाएको फेला परेका हुन्। प्रहरीले ना ४ ख ४१४, ना ७ ख ४०२, ना ७ ख ५२६३ र ना ८ ख ४९९७ नम्बरको बसलाई जिल्ला प्रहरी कार्यालय भित्र होल्डमा राखिएका छन्।
निषेधाज्ञाको समयमा विना पासमा चलाएको भन्दै प्रहरीले नियन्त्रण लिएर कारवाही गर्ने बताएको छ।
