प्रकशित मिति : २८ बैशाख २०७८, मंगलवार ११:२६


(ABC-Sanchar)
दाङ । घोराहीमा बसेको क्रियाशिल राजनितीक दलहरुको संयुक्त बैठकले यस्तो अनुरोध गरेको हो ।

बैठकले सबै पालीकाहरुमा अक्सिजन सहितका आईसोलेशन बेडहरुको व्यवस्था गर्न माग गरेको छ । बैठक पछि ६ राजनैतिक दलले संयुक्तरुपमा जारी गरेको विज्ञप्तीमा पिसिआर टेष्टको लागी स्वाब संकलन गर्ने सहज व्यबस्था, निशुल्क पिसिआर टेष्ट एवम् उपचारको व्यबस्था मिलाउन माग गरेको छ ।

कोरोना संक्रमित बढ्दै गएको अवस्थामा दाङका अस्पतालहरुमा अक्सिजनको अभाबलले बिरामीले समस्या पाएको हुँद तत्काल सहज आपुर्ती मिलाउन समेत अनुरोध गरिएको छ ।

त्यसैगरी राप्ती स्वास्थ्य विज्ञान प्रतिष्ठानमा गतवर्ष नै स्थापना गरिएको आईसियु अहिलेसम्म पनि संचालन नहुँदा त्यसलाई तत्काल संचालन गर्नुपर्ने, आईसियु वेड थप गर्नुपर्ने माग गरिएको छ ।

नेकपा एमालेका उपसचिब शुरामणि बेलवासे, नेपाली कांग्रेस दाङका सचिब शंकर डागी, नेकपा माओवादी केन्द्र दाङका ईन्चार्ज जिवन गौतम र सचिव सुवास पुन, राष्ट्रिय जनमोर्चा दाङका अध्यक्ष गणेश आर्चाय र जनता समाजवादी पाटी लुम्बिनी प्रदेश सदस्य प्रकास विष्टद्वारा संयुक्त रुपमा जारी गरिएको विज्ञप्तीमा सर्वसाधारण जनतालाई कोभिड उपचार सहज बनाउन राप्ती प्रादेशिक अस्पताल तुलसीपुर र राप्ती स्वास्थ्य विज्ञान प्रतिष्ठानलाई पुर्ण कोभिड अस्पताल बनाउनुपर्ने उल्लेख छ ।

विज्ञप्तीमार्फत माहामारीको समयमा अहोरात्र खटिने स्वास्थ्यकर्मि, प्रशासन, सेना, प्रहरी, सामाजिक संघसंस्था एंव समुदायलाई धन्यबाद समेत ज्ञापन गरिएको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com