(सर्मिला बोगटी)
धनगढी । कञ्चनपुर-जिल्ला प्रशासन कार्यालय कञ्चनपुरले जिल्लाको कृष्णपुर नगरपालिका ५ स्थित गुलरिया बजारमा अनुगमन गरेको छ।
सहायक प्रमुख जिल्ला अधिकारी अशोक कुमार भण्डारीको नेतृत्वमा आन्तरिक राजस्व विभाग कार्यालय कञ्चनपुरका अधिकृत विष्णु रावत साना तथा घरेलुका कार्यालय कञ्चनपुरका अधिकृत कृष्णदेव भट्ट र ईलाका प्रहरी कार्यालय गुलरिया बाट प्रहरी नायव निरीक्षक राधाकृष्ण नाथ लगायत १८ जनाको टोलीले बजार अनुगमन गरेको हो।
टोलीले ९ वटा किराना पसल र १ वटा एग्रोभेट समेतको अनुगमन गरी ४ वटा पसलहरुबाट म्याद नाघेका समानहरु बरामद गरेर नष्ट गरेको जिल्ला प्रशासन कार्यालय कंचनपुरले जानकारी दिएको छ ।
