(सर्मिला बोगटी)
धनगढी । कञ्चनपुरमा सशस्त्र प्रहरीले १ लाख बढीको अवैध सामान बरामद गरेको छ। ब्रह्मदेव र दोधारा चाँदनीबाट खटिएको टोलीले १ लाख ११ हजार बराबरको सालको गुड, युरीया, मोटरसाइकल र काठ बरामद गरेको हो।
सशस्त्र प्रहरी बल नेपाल नम्बर ३५ गण हेडक्वाटर शैलेश्वरी कञ्चनपुर मातहत बोर्डर आउट पोष्टबाट खटिएको टोलीले निषेधाज्ञाको उल्लघङ्न गरी अवैध रूपमा भारतबाट नेपाल भित्र्याउँदै गरेको अवस्थामा सो सामान बरामद गरेको जनाएको छ।
सशस्त्र प्रहरी बल कञ्चनपुरले बरामद गरिएका सामानहरूलाई आवश्यक कारवाहीको लागि कञ्चनपुर भन्सार कार्यालय गड्डाचौकी र डिभिजन वन कार्यालयमा बुझाइएको छ।
