०२ बैशाख २०८१, आइतबार
14-04-2024 , Sun
×

बाँकेमा फार्मेसीकै मिलेमतोमा रेम्डिसिभिरको कालोबजारी

Logo
प्रकाशित शुक्रबार, बैशाख ३१, २०७८

(ABC-Sanchar)
बाँके । गम्भीर सङ्क्रमितका लागि प्रयोग हुँदै आएको रेम्डिसिभिर इन्जेक्सनको कालोबजारीमा सङ्क्रमितको उपचार गरिरहेका अस्पतालकै फार्मेसीको संलग्नता रहेको पाइएको छ । नेपालगञ्जस्थित भेरी अस्पतालको फार्मेसीकै संलग्नतामा कालोबजारी भएको पाइएको प्रहरीले जनाएको छ । नेपालगञ्ज मेडिकल कलेजको कोहलपुर शिक्षण अस्पतालको गौतमबुद्ध नेपालगञ्ज फार्मेसीले ठूलो मात्रामा रेम्डिसिभिरको कालोबजारी ठहर गर्दै दुई लाख जरिवाना गरिएलगत्तै यस्तै अर्को घटना सार्वजनिक भएको हो ।
प्रहरीले दुई भायल रेम्डिसिभिरलाई ५० हजारमा बिक्री गरिरहेका दुई युवालाई पक्राउ गरेको छ । उनीहरूले दिएको बयानका आधारमा भेरी अस्पतालको फार्मेसीमा छापा मारेर प्रहरीले ३२ भायल रेम्डिसिभिर बरामद गरेको छ ।
रेम्डिसिभिर बिक्री गरिरहेको अवस्थामा पक्राउ परेका नेपालगञ्ज–८ का २३ वर्षीय मोहम्मद जावेद अन्सारीले सो इन्जेक्सन भेरी अस्पतालको फार्मेसीबाट ल्याएको जनाएपछि प्रहरीले सो फार्मेसीमा रहेको रेम्डिसिभिरलाई नियन्त्रणमा लिई बिक्री वितरणमा रोक लगाएको छ ।
प्रहरीले नेपालगञ्ज–८ का अन्सारीसहित नेपालगञ्ज–११ का २५ वर्षीय हारुन अंशुलाई चर्को मूल्यमा बिक्री गरिरहेको अवस्थामा पक्राउ गरेको थियो ।
बाँकेका भेरी अस्पताल र मेडिकल कलेजमा गम्भीर किसिमका सङ्क्रमित धेरै भर्ना रहेकाले उनीहरूका आफन्त रेम्डिसिभिर इन्जेक्सनको खोजीमा भौँतारिनुपर्ने अवस्था छ । सोही अवस्थाको लाभ उठाएर अस्पतालकै फार्मेसीले सो औषधिको कालोबजारी गरिरहेको पाइएको भेरी अस्पतालको फार्मेसीका बारेमा अनुसन्धान गरिरहेको बाँकेका प्रहरी प्रमुख ओम रानाले बताउनुुभयो ।
उहाँले रेम्डिसिभिरको कालोबजारी हुन नदिन प्रहरीले सोको बिक्री वितरणको उचित व्यवस्था मिलाउने योजना बनाएको पनि बताउनुभयो । यसैबीच भेरी अस्पताल विकास समितिले एक विज्ञप्ति जारी गरेर अस्पतालको फार्मेसीमा प्रहरीले गरेको हस्तक्षेप र नियन्त्रणमा लिएको भन्दै विरोध जनाएको छ । अस्पतालले सङ्क्रमितको उपचारमा अवरोध पु¥याउने काम नगर्न प्रहरी प्रशासनलाई आग्रह गरेको छ ।रासस

कमेन्ट गर्नुहोस्
सम्बन्धित

      (धर्मेन्द्र कुमार कुर्मी ) कपिलवस्तुकाे विजयनगर गाउँपालिकामा जग्गा दाताहरुलाई शिला लेखसहित सम्मान गरिएको छ । गाउँपालिकाकाे ७ नम्बर वडा कार्यालय गणेशपुरले जग्गा दाताहरुलाई शिला लेखसहित सम्मान-पत्रले सम्मान गरेकाे छ । गाउँपालिका अध्यक्ष गाेपाल बहादुर थापाले बिहिबार एक कार्यक्रमबीच जग्गा दाताहरुलाई सम्मान-पत्रले सम्मान गरेका हुन् । यसैबीच वडाकाे डिजिटल बाेर्ड र नवनिर्मित वडा […]

(एबिसि संचार )                                                                सिन्धुलीको कमलामाई नगरपालिका–४ स्थित एनसेल टावरमा बम विष्फोट भएको छ । गएराति १ बजेतिर टावरमा प्रेशर कुकर बम विष्फोट भएको जिल्ला […]

(एबिसि संचार ) पोखरा महानागरपलिकाकी सबइन्जिनियरसहित दुई जना जनासेवाग्रहीसँग घुस लिँदालिँदै रंगेहात पक्राउ परेका छन् । पोखरा महानगरपालिकाको नक्सा शाखामा कार्यरत सबइन्जिनियर उषा किरण रोकाया र गोदार कन्सल्टेन्सीमा कार्यरत सुरज कुँवरलाई सेवाग्रहीसँग घुस लिएको आरोपमा अख्तियार दुरुपयोग अनुसन्धान आयोगको गण्डकी प्रदेश कार्यालय पोखराबाट खटिएको टोलीले घुस रकमसहित पक्राउ गरेको हो । उनीहरुको साथबाट डेढ लाख […]