०७ बैशाख २०८१, शुक्रबार
19-04-2024 , Fri
×

दाङमा हप्ताको २ दिन आइतबार र बुधबार मात्र २ घन्टा पसल खुल्ने

Logo
प्रकाशित शनिबार, जेठ ०१, २०७८


(ABC-Sanchar)
दाङ । कोरोना संक्रमणको जोखिम बढेपछि दाङमा बैशाख १७ गतेदेखि जारी लकडाउन जेठ १५ गतेसम्म लम्ब्याइएको छ। यो तेस्रो चरणको लकडाउनमा केही मापदण्डहरु समेत परिवर्तन गरिएको छ। बैशाख १७ गतेदेखि बैशाख २५ गतेसम्म अतिआवश्यकी बस्तु खरिद गर्न विहान ७ बजेदेखि ८ बजेसम्म दैनिक पसल खुल्ने गरेको थियो भने बैंक पूर्ण रुपमा बन्द गरिएको थियो ।

बैशाख २५ गतेदेखि जेठ १ गतेसम्म लम्ब्याइएको लकडाउनमा अरु अथावत राखेर बैंक हप्तामा दुई दिन खुल्ने गरी मापदण्डहरु परिवर्तन गरिएको थियो ।

यो तेस्रो चरणको जेठ १ गतेदेखि १५ गतेसम्मको लकडाउनमा भने कोरोना संक्रमण र मृत्यु दर बढेको भन्दै जिल्ला कोभिड १९ संकट व्यवस्थापन केन्द्रले अतिआवश्यकीय पसलहरु पनि अब हप्तामा दुई दिन मात्र खुल्ने गरी निर्णय गरेको छ।

शुक्रबार बसेको व्यबस्थापन केन्द्रको बैठकले यस्तो निर्णय गरेको हो । यस अघि प्रत्येक दिन विहान ७ देखि ८ बजेसम्म सामग्री किन्ने समयमा भीडभाड बढेको भन्दै अबदेखि हप्तामा दुई दिन आईतबार र बुधबार विहान ७ बजेदेखि ८ बजेसम्म मात्रै सामग्री किन्न पाईने व्यबस्था मिलाइएको संकट व्यवस्थापन केद्रका संयोजक तथा प्रमुख जिल्ला अधिकारी दीर्घनारायण पौडेलले बताउनुभयो ।

कमेन्ट गर्नुहोस्
सम्बन्धित

(महेन्द्र सिंह ) बाँकेको जानकी गाउँपालिका–६ स्थित बाहुबली हर्बल प्रालिको परिसरभित्र आगलागी भएको छ । हर्बल प्रालिको परिसरभित्र फाल्नलाई संकलन गरिराखेको सल्लो प्रजातिको काठ÷खोटोमा बिहीबार बिहान ७ बजेतिर आगलागी भएको बाँके प्रहरीले जनाएको छ । उक्त आगलागी नियन्त्रणमा लिन लागि नेपाल र भारतबाट गरी ११ वटा दमकल प्रयोग गरिएको छ । उद्योगको बाहिर सल्लाको काठ […]

(एबिसि संचार )                                                                जनकपुरधाममा जलिरहेको अवस्थामा एक युवतीको शव फेला परेको छ ।  उपमहानगरपालिका–१६ कपिलेश्वरमा गए राति करिब ९ बजे आसपासमा युवतीको शव जलिरहेको […]

(एबिसि संचार )                                                                नेपाल प्रहरीको लागु औषध नियन्त्रण ब्युरोले अवैध लागु औषध खैरो तथा नियन्त्रित लागु औषध नाइट्रोभेट ट्याब्लेटसहित २ जनालाई पक्राउ गरेको छ […]