(महेन्द्र सिंह)
बाँके । नेपालगन्जमा दैनिक १० देखि १५ जनाको कोरोनाका कारण मृत्यु भइरहेको छ। दैनिक मृत्युदर बढेसंगै निषेधाज्ञालाई कडाई गरिएको छ। बाँकेमा तेश्रो पटक निशेधाज्ञा थप गरि कडाई गरिएको हो।जिल्ला प्रशासन कार्यालय बाँकेले पछिल्लो समय जेठ १० गतेसम्म लकडाउन थप गरिएको छ।
नेपालगन्जको चोक चोकमा नेपाली सेना खटिएका छन्। हरेक चोक चोकमा सशस्त्र प्रहरी नेपाल प्रहरी, नेपाली सेनालाई समेत ड्युटीमा खटाईको छ। बजारको चोक चोकमा सेना परिचालन गरिएको देखिन्छ।
आवतजावतमा कडाई गरिएको छ स्थानिय एक नागरिकले भने।विहान खुकुलो बनाउने तर दिनभरी कडाई गरिने प्रबृत्ति पनि राम्रो नभएको स्थानियको आरोप छ। जिल्ला प्रशासनले दिनरात कडाई गरिनुपर्ने स्थानियको भनाई छ।
विहान र साँझा भिड गर्ने दिनभरी कडाई गरिने प्रबृत्ति गलत रहेको उनिहरुको भनाई छ। कोरोनाको हटस्पट मानेको बाँकेमा थप कडाईका साथ लाग्नुपर्ने स्थानियको भनाई छ।
यता बाँकेका प्रमुख जिल्ला अधिकारी शिवराम गेलालले भने गस्तीको रुपमा सेना चोक चोकमा खटाएको जानकारी दिए। निषेधाज्ञामा सेनाले गस्ती गर्ने प्रजिअ गेलालले जानकारी दिए। उनले विहान ९ बजेसम्म दैनिक रुपमा लकडाउन खुकुलो बनाएको जानकारी गराए।
