(महेन्द्र सिंह)
बर्दिया । बर्दिया राष्ट्रिय निकुञ्जबाट निस्केको जंगली हात्तीको आक्रमणबाट सोमबार आमा छोरीको मृत्यु भएको छ । गेरुवा गाउँपालिका—१ सरखुल खपतपुरकी ३७ वर्षिय चन्द्रा विक र उनकी तीन वर्षिय छोरी दीपिका विकको मृत्यु भएको छ ।
घरबाहिर आँगनमा बसिरहेका चन्द्रा र उनकी छोरीलाई बेलुकी ९ बजे हात्तीले आक्रमण गरेको हो । हात्तीको आक्रमणबाट चन्द्राको घटनास्थलमा मृत्यु भएको छ । उनकी छोरी दीपिका गम्भीर घाइते भएकी थिईन् । घाइते छोरीको उपचारका क्रममा शिक्षण अस्पताल नेपालगंजमा मृत्यु भएको प्रहरी उपरीक्षक ईश्वर कार्कीले बताए ।
घटनाको बारेमा प्रहरीले निकुञ्ज प्रशासनलाई राति नै जानकारी गराएको थियो । घटनास्थलमा निकुञ्ज प्रशासन समयमा नपुग्दा स्थानीय आक्रोसित छन् ।
गत चैत्र २९ गते गेरुवा गाउँपालिका–१ भटेराकी ६० वर्षिय भुन्टी बोहराको हात्तीको आक्रमणबाट मृत्यु भएको थियो ।
