(महेन्द्र सिंह)
बाँके । नेपालगञ्ज भेरी अस्पतालमा कार्यरत स्वास्थ्यकर्मी माथि आक्रमण भएको घटनापछि अस्पतालमा जिल्ला प्रहरी कार्यालय बाँके प्रहरीले सुरक्षा बढाइएको छ ।
महामारीका बेला अहोरात्र खटिएका स्वास्थ्यकर्मी माथि भएको आक्रमणले उनीहरुको मनोबल खस्किने चिन्ता र उनीहरुको सुरक्षा चासोले चर्चा पाइरहँदा शनिवार प्रहरी सुरक्षा थप गरिएको हो ।
जिल्ला प्रहरी कार्यालय बाँके प्रहरी प्रमुख एसपी ओम बहादुर रानाले अस्पतालमा थप सुरक्षा आवश्यक देखिएकाले सोही अनुसार शुरक्षा व्यवस्था मिलाइएको बताए । उनका अनुसार, महामारीको अवस्था सामान्य रुपमा नआएसम्म प्रहरी सुरक्षा राखिने बताए ।
प्रहरी बाहेक निजी सुरक्षाकर्मी पनि यस अघिदेखिनै भेरीमा परिचालित छन् । घटनाको बेला प्रहरी तथा निजी सुरक्षागार्डको प्रभावकारी भूमिका नदेखिएपछि अझै समस्या बढेको थियो । 
७ जना प्रहरी र २१ जना सुरक्षा गार्ड रहेको भेरीमा नेपाल प्रहरीको सुरक्षाकर्मी बढाइएको यो पहिलो पटक हो बाँके एसपी रानाले जानकारी दिए ।
