(सर्मिला बोगटी)
बर्दिया बाघको आक्रमणले आज एक महिलाको ज्यान गएको छ ।
मधुवन नगरपालिका–५ की ६८ वर्षिय नन्द कला थापाको मृत्यु भएको छ । मधुवन नगरपालिका स्थित ८३ नम्बरको पिलर नजिक बोर्डर नजिकको जंगलमा साग टिप्न गएको बेला बाघले आक्रमण गरेको सशस्त्र प्रहरी एसपी नर बहादुर रावतले बताए ।
साग टिप्न गएको बेला बाघले आक्रमण गरेको खबर स्थानीयले पाएका थिए । स्थानीय र प्रहरीको संक्रियतामा खोजी कार्य भएको थियो ।
खोजी गर्ने क्रममा महिलाको शव साँझ ७ बजे भेटिएको एसपी रावतले बताए । यससंगै चालु आर्थिक वर्षमा ११ जनाको बाघ आक्रमणले मृत्यु भईसकेको छ । गत बुधबार मधुवन नगरपालिका–१ ईन्द्रपुरका लाल बहादुर चौधरीलाई बाघले आक्रमण गरी गम्भिर घाईते बनाएको थियो।
