प्रकशित मिति : ३१ जेष्ठ २०७८, सोमबार ०७:५३

 

(महेन्द्र सिंह)
बर्दिया । सवारी दुर्घटना गरी फरार रहेका व्यक्तिलाई प्रहरीले शनिबार पक्राउ गरेको छ । पक्राउ पर्नेमा बाँसगढी नगरपालिका–८ ककौरा बस्ने ३६ वर्षिय रामभरोसे थारु हुन् । गत २४ गतेका दिन बिहान बाँसगढी नगरपालिका–९ माछागढ स्थित पुर्वपश्चिम राजमार्ग सडक खण्डमा उनले चलाएको मोटरसाईकलले पैदल यात्रीलाई ठक्कर दिएको थियो । बाँसगढी नगरपालिका–८ बेलौरीका प्रेमी थारुलाई मोटरसाईकलले ठक्कर दिएको हो । गम्भिर घाईते भएका थारुको उपचारको क्रममा नेपालगंज मेडिकल कलेज कोहलपुरमा गत २६ गते मृत्यु भएको हो । दुर्घटना भए देखि मोटरसाईकल चालक फरार रहेका थिए ।

प्रहरीको अनुसन्धानले भे ३ प १२५४ नम्बरको मोटरसाईकल थारुले चलाएको खुल्न आएको थियो । घटना पश्चात ईलाका प्रहरी कार्यालय मोतिपुरका प्रहरी निरीक्षक बिरेन्द्र सिंह थापाको नेतृत्वमा खटिएको प्रहरी टोलीले निरन्तर अनुसन्धान गरिरहेको थियो । प्रहरीले खोजतलास गर्दै जाँदा बाँसगढी नगरपालिका–८ बाट उनलाई स–प्रमाणसहित पक्राउ गरेको छ । लुकीछिपी बसीरहेको अवस्थामा उनलाई प्रहरीले पक्राउ गरेको हो । फरार थारुलाई पक्राउ गरी जिल्ला अदालतमा उपस्थित गराई सवारी ज्यान मुद्दामा थप अनुसन्धान भइरहेको बर्दिया जिल्ला प्रहरी प्रमुख एसपी ईश्वर कार्कीले जानकारी दिए ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com