ABC (क्राईमबिट)
प्यूठान । नगरपालिका-१० नेपानेमा सोमबार बिहान मृत भेटिएका २४ बर्षिया हेमन्त भनिने नरेन्द्र पुन मगरको हत्या आरोपमा पक्राउ परेका दुई बालक र एक युवकलाई बिहिबार बिहान पत्रकार सम्मेलन गरि प्रहरीले सार्वजनिक गरेको हो।
स्थानिय बर्ष १५ र १७ को दुई बालक र मल्लरानी-३ बस्ने वर्ष १८ को रेमबहादुर घर्तिको आक्रमणबाट नरेन्द्रको हत्या भएको अनुसन्धानबाट देखिएको प्यूठानका प्रहरी प्रमुख डिएसपी सुनिल मल्लले बताउनुभयो ।
मल्लका अनुसार सामान्य बिबादबाट सुरु भएको घटना कुटपिटमा परिणत हुँदा युवकको हत्या भएको अनुसन्धानमा देखिएको छ। दिदिको गोठ बनाउने काम सकेर साँझ प्यूठान -१० पातिहाल्ना घर जाने क्रममा अभियुक्तहरुले बाटो कुरेर नरेन्द्र र उनीसँग रहेका २५ वर्षिय सुरेश बस्नेत माथि आक्रमण गरेको प्रहरी अनुसन्धानको निचोड छ ।
‘काम सकेपछी नरेन्द्र र उनका साथी शुरेसले ढेब्री पसलमा बसेर मादक पदार्थ सेवन गरेका रहेछन। डिएसपी मल्लले भन्नुभयो, ‘मादक पदार्थ सेवनपछि दुवैजना घरतर्फ लागेछन । घरतर्फ जाँदै गर्दा बाटाेमा अभियुक्तहरुसंग भेट भएछ । दुवै जनाले अश्लिल शब्द प्रयोग गर्दै गाली गलौज गर्न थाले, विवाद बढ्यो । त्यहि विवाद हत्या योजनामा परिणत हुन पुग्यो ।’
घटनाको जानकारी पाएलगत्तै प्रहरी टाेली घटनास्थल पुगेको थियो । असार १४ गते विहान नरेन्द्र मृत अबस्थामा र शुरेसलाई अचेत अवस्थामा फेला पारिएको थियो ।
लौरोले टाउकोमा आक्रमण गर्दा नरेन्द्रको मृत्यु हुनुका साथै सुरेश घाईते भएको प्रहरीले जनाएको छ । गंभीर घाईते सुरेशको भैरहवामा उपचार भईरहेको छ ।
प्रहरी हिरासतमा रहेका अभियुक्तहरु माथी ज्यान सम्वन्धी कसुरमा आवास्यक अनुसन्धान भईरहेको प्यूठान प्रहरीले जनाएको छ ।
