(ABCSanchar)
दाङ । घोराहीको बुद्ध हस्पिटलमा एक जना बिरामिले एउटा डाक्टरलाई देखाएर अर्को डाक्टरले बिरामी जाचेको भन्दै निजि अस्पतालका डाक्टर विरुद्ध जिल्ला प्रहरी कार्यालय दाङमा जाहेरी दिएका छन ।
घोराही १६ सर्रा निबासी अधिबक्ता नारायण प्रसाद डागिले आफ्नो श्रीमती बिरामी भएपछि घोराही १५ स्थित बुद्ध हस्पिटलमा उपचारका लागि लिएर गएका थिए । बुद्ध हस्पिटलका चिकित्सक सर्जन डा.रमेश बस्नेतलाई देखाउन पुगेका बिरामिलाई बस्नेतले चेक नगरेर उनिसंगै काम गर्ने अर्का चिकित्सक डा. माधब गोहितले चेक गरेका थिए । बिरामिको पुरै डाइग्नोसिस नै डा.गोहितले सर्जन बस्नेतको पर्चामा गरेका थिए । डा. बस्नेतलाई देखाउने भन्दै बिरामी अस्पताल पुगेपछि सोही डाक्टरको नाममा पर्चा पनि काटियो ।
एउटा डाक्टरको नाममा अर्को डाक्टरले बिरामीलाई जाचेपछि यो बिषयले स्वास्थ्य क्षेत्रमा हङ्गामा भएको छ । एउटा डाक्टरलाई देखाएर अर्को डाक्टरले बिरामि जाचेर ठग्ने नियत राखेकाले देखीएको भन्दै पिडित पक्ष आफ्नो लेटरप्याड दिने सर्जन डा. रमेश र डा. गोहितसहित अस्पताल प्रशासनका काम गर्ने कर्मचारी गरेर ५ जना विरुद्ध जाहेरीसहित पुगेका छन । अस्पताल प्रशासनका कर्मचारी र चिकित्सक मिलेर पहिलेदेखि नै एउटाको नाममा अर्को चिकित्सकले जाचेर विरामिलाइ ब्यक्ति ब्ल्याकमेलिङ गरेको आरोप लगाउदै पिडित पक्ष मुद्धा दायर गर्न प्रहरीमा पुगेको अधिबक्ता मौसम आचार्यले बताए । यता, जिल्ला प्रहरी कार्यालय दाङले यो घटनाको बारेमा जाहेरी आएको र अनुसन्धान भइरहेको जनाएको छ ।
जिल्ला प्रहरी कार्यालय दाङका प्रहरी प्रमुख एसपि सुरेश काफ्लेले प्रहरीले घटनाको अनुसन्धान गरिरहेको भन्दै अनुसन्धान गरेर मुद्धा दर्ता हुने जानकारी दिए । उनले यो बिषय प्रहरीको क्षेत्राधिकार भित्र पर्ने कि नपर्ने बिषयमा स्पष्ट भएर मात्र मुद्धा चल्ने र नचल्ने थाहा हुने बताए । उनले मेडिकल काउन्सील पनि रहेकाले यो बारेमा अनुसन्धान गर्नुपर्ने भए त्यो मुद्धा प्रहरीले काउन्सिलमा पठाइदिन सक्ने पनि बताए । बुद्ध अस्पतालका सिइओ बालाराम अधिकारिले अस्पतालका सर्जन रमेश बस्नेतको पर्चा र लेटरप्याडमा उनिसंगै बसेका डा. माधब गोहितले बिरामी चेक गरेर रोगको डाइग्नोसिस गरेकाले बिरामिले एउटा डाक्टरलाई देखाएर अर्को डाक्टरले किन चेक गर्न दिएको भनेर जाहेरीसहित पुगेपछि प्रहरी कार्यालयमा पिडित र अस्पताल प्रशासन बिच दुई दिनदेखि लगातार छलफल चलिरहेको र कुरा नमिलेको बताए ।
कानुनिरुपमा अस्पतालले कमजोरि गरेपनि ब्याबहारिकरुपमा मिलाउनुपर्ने भन्दै उनले कतिपय बिरामिको सबै चेक गराएर अन्तिममा विशेषज्ञ चिकित्सक कहा जाने गरेको पनि सुनाए ।
